Azərbaycanın müxtəlif rayonlarında sakinlər Şuşa zəfərini qürur hissi ilə qeyd edirlər.
Azərbaycanın ərazi bütövlüyünün bərpası istiqamətində gedən döyüşlərdə Şuşanın düşmən işğalından azad edilməsi kiçikdən-böyüyə hər kəsi sevindirdi.
Sakinlər deyir ki, gec-tez öz torpaqlarımıza qayıdacağımıza əmin idik:
“Biz hər an prezidentimizin dilindən işğal olunmuş torpaqlarımızın azad edildiyinə dair çıxan şad xəbərlərə qulaq asırdıq.
Hər bir xəbərə sevinib, böyük çoşqu ilə qarşıladıq. Bu gün Şuşanın azad edilməsi xəbərini eşidib sevindik. Biz ordumuza arxalandıq, prezidentimizə güvəndik və bir yumruq kimi sıx birləşdik. Ölkə başçımız, Ali Baş Komandan çox sağ olun, Allah sizi qorusun!”
