"Barselona" Braziliyanın “Atletiko Paranaense” klubunda çıxış edən 19 yaşlı müdafiəçi Artur Diası transfer etmək üçün digər Avropa klubları ilə rəqabət aparır.
Demokrat.az “Goal”a istinadən xəbər verir ki, "Barselona"nın skautinq üzrə məsul şəxsi Joao Amaral gənc futbolçunu canlı izləmək üçün Kuritibaya gedib. O, “Atletiko Paranaense”nin “Bahya”nı 2:1 hesabı ilə məğlub etdiyi qarşılaşmanı tribunadan izləyib. Artur Dias görüşü tam keçirib və üçlü müdafiənin solunda çıxış edib.
1,88 metr boya malik solayaqlı stoper fiziki göstəriciləri ilə yanaşı, texniki bacarığı və ötürmələrinin dəqiqliyi ilə seçilir. O, həm qısa, həm də uzun ötürmələrdə etibarlı oyun nümayiş etdirir. Sürəti və mövqe seçimi də onun əsas üstünlükləri arasında göstərilir.
Dias bu mövsüm Braziliya çempionatında 26 oyunda iştirak edib. Kart cəzası səbəbindən yalnız iki matçı buraxan futbolçu “Atletiko Paranaense”nin əsas komandasında 50-ci oyununa çıxıb. Onun klubla müqaviləsi 2028-ci ilin dekabrına qədər qüvvədədir.
Məlumata görə, “Tottenhem” gənc müdafiəçinin iqtisadi hüquqlarının 80 faizi üçün 21 milyon avroluq təklif göndərib, lakin bu təklif qəbul edilməyib.
"Barselona" ilə yanaşı, “Atletiko Madrid”, “Komo”, “Benfika”, “Nyukasl”, “Nottingem Forest” və “Brentford” da futbolçu ilə maraqlanan klublar sırasındadır. Beləliklə, Artur Dias üçün Avropadan bir neçə klubun mübarizə apardığı bildirilir.
Jalə
Demokrat.az
Demokrat.az “Goal”a istinadən xəbər verir ki, "Barselona"nın skautinq üzrə məsul şəxsi Joao Amaral gənc futbolçunu canlı izləmək üçün Kuritibaya gedib. O, “Atletiko Paranaense”nin “Bahya”nı 2:1 hesabı ilə məğlub etdiyi qarşılaşmanı tribunadan izləyib. Artur Dias görüşü tam keçirib və üçlü müdafiənin solunda çıxış edib.
1,88 metr boya malik solayaqlı stoper fiziki göstəriciləri ilə yanaşı, texniki bacarığı və ötürmələrinin dəqiqliyi ilə seçilir. O, həm qısa, həm də uzun ötürmələrdə etibarlı oyun nümayiş etdirir. Sürəti və mövqe seçimi də onun əsas üstünlükləri arasında göstərilir.
Dias bu mövsüm Braziliya çempionatında 26 oyunda iştirak edib. Kart cəzası səbəbindən yalnız iki matçı buraxan futbolçu “Atletiko Paranaense”nin əsas komandasında 50-ci oyununa çıxıb. Onun klubla müqaviləsi 2028-ci ilin dekabrına qədər qüvvədədir.
Məlumata görə, “Tottenhem” gənc müdafiəçinin iqtisadi hüquqlarının 80 faizi üçün 21 milyon avroluq təklif göndərib, lakin bu təklif qəbul edilməyib.
"Barselona" ilə yanaşı, “Atletiko Madrid”, “Komo”, “Benfika”, “Nyukasl”, “Nottingem Forest” və “Brentford” da futbolçu ilə maraqlanan klublar sırasındadır. Beləliklə, Artur Dias üçün Avropadan bir neçə klubun mübarizə apardığı bildirilir.
Jalə
Demokrat.az
