Səhər depressiyası bu üsulla yox olur

Səhərlər gərginlik, bədbinlik və halsızlıq hiss edənlər üçün mühüm xəbərdarlıq var. Psixoloqlar bu vəziyyəti "səhər depressiyası" adlandırırlar. Həmin problem günün irəliləyən saatlarında azalsa da, həyat keyfiyyətinə ciddi təsir edir.

Demokrat.az bildirir ki, səhər depressiyası yataqdan qalxa bilməmək və ümidsizlik kimi əlamətlərlə özünü göstərir. İnsanlar günə başlayanda güclü yorğunluq və diqqət dağınıqlığı ilə qarşılaşırlar. Günlük işləri yerinə yetirmək üçün motivasiya tamamilə itir.

Mütəxəssislər problemin əsas səbəbini bioloji saatın pozulmasında görürlər. Bədəndəki kortizol stres hormonunun dəyişməsi də buna təsir edir. Yuxu keyfiyyətinin aşağı olması səhər əhvalını daha da pisləşdirir.

Həkimlər bu vəziyyətlə mübarizədə yuxu rejiminə diqqət etməyi tapşırırlar. Hər gün eyni saatda yatıb-oyunmaq bioloji saatı tənzimləyir. Yatmazdan əvvəl telefondan uzaq durmaq və rahat mühit qurmaq şərtdir.

Səhər edilən bəzi xırda vərdişlər əhvalı tamamilə dəyişə bilər. Yatağı toplamaq, qısa gəzinti və ya ilıq duş motivasiyanı artırır. Günlük işləri kiçik hissələrə bölmək də gərginliyi azaldır.

Təbii günəş işığı bioloji ritmi bərpa etməyə kömək edir. Bu səbəbdən səhərlər açıq havada qısa müddətli gəzintilər tövsiyə olunur. Günəş şüaları insanın əhval-ruhiyyəsinə müsbət təsir göstərir.

Bu hisslər uzun müddət davam edərsə, mütəxəssis yardımı mütləqdir. Səhər depressiyası gündəlik həyata mane olduqda psixoterapevtə müraciət edilməlidir. Həkimlər bəzən dərman müalicəsinə də ehtiyac duyurlar.

Arada bir səhərlər bədbin oynamaq normal hal hesab olunur. Lakin bu vəziyyət daimidirsə, mütləq altında yatan səbəblər araşdırılmalıdır. Sağlam yuxu və idman problemin təsirini minimuma endirir.

İsmayıl
Demokrat.az