Bakının Binəqədi rayonunda gənclər arasında yaranan mübahisə cinayətlə nəticələnib.
Demokrat.az-ın əldə etdiyi xəbərə görə, Bakı şəhər sakini, 2000-ci il təvəllüdlü Orxan tanışı Kamran İbrahimovun yüksək səslə danışmasına və onun ünvanına nalayiq ifadələr işlətməsini bəhanə edib, heç bir əsaslı səbəb olmadan yaşadığı evdən götürdüyü bıçaqla ona zərbələr vurub.
Hadisəni törədən Orxanın barəsində Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddəsi ilə ittiham elan edilib.
İş üzrə təqsirləndirilən şəxs qismində ifadə verən Orxan ona elan olunmuş ittiham üzrə özünü təqsirli bilib. O, ifadəsində göstərib ki, hadisə günü içkili halda Kamranla birlikdə yaşadıqları məhəlləyə gedib: “Bu zaman yolda Kamran söyüş söydüyü üçün ətrafda yaşayan qonşulardan bununla bağlı ona iradını bildirib. Mən Kamranı oradan uzaqlaşdırdım. Bir az irəlidə Kamran qonşu irad bildirərkən nə üçün onu müdafiə etmədiyimi dedi və bu səbəbdən məni vurdu. Daha sonra isə söyüş söyməyə başladı. Bu vaxt gedərək evdən bıçaq götürdüm və geri qayıtdım. Kamrana bir bıçaq zərbəsi vurdum”.
İbtidai istintaq zamanı ifadə verən təqsirləndirilən şəxs qeyd edib ki, zərərçəkmiş şəxs onun dostudur, onunla bir məhəllədə yaşayır, aralarında dost kimi normal münasibət olub: “Hadisə günü, saat 23 radələrində Kamranla birlikdə Binəqədi qəsəbəsində yerləşən “Texas” adlanan kafedə spirtli içki olan pivə içməyə başladıq. Adama 4-5 bokal pivə içdikdən sonra Kamranla birlikdə kafedən çıxdıq və evimizə tərəf küçə ilə piyada hərəkət etməyə başladıq. Kamran küçədə yüksək səslə söyüş söydüyü zaman, xatırlamadığım evlərin birindən bir nəfər əvvəllər tanımadığım şəxs bayıra çıxdı, gecə saatlarında hamının yatdığını bildirdi, küçədə yüksək səslə söyüş söyməsini Kamrana irad tutdu. Mən də Kamrana həmin şəxsin doğru dediyini, küçədə nəyə görə söyüş söydüyünü bildirdim. Kamranla aramızda sözlə mübahisə yarandı. Kamran nə səbəbdən onun tərəfini tutmadığımı, həmin şəxsin cavabını nəyə görə vermədiyimi dedi, məni vurdu. Mən də evə daxil olaraq bıçaq götürdüm, geri qayıdaraq ona bıçaqla bir dəfə zərbə vurdum. Kamranı bıçaqla vurduqdan sonra, o, qışqırmağa başladı. Kamranın səsinə atası evdən çıxaraq, bizə yaxınlaşdı. Mən atasının yaxınlaşdığını gördüm və qaçaraq evə girdim. Evdə nə etdiyimi anladım, sağ əlimdə olan həmin bıçaqla iki dəfə sol döş qəfəsimə zərbə endirdim. Bundan sonra hadisə yerinə polis əməkdaşları gəldi. Onlar hadisə yerini müayinə etdilər. Mən də Kamrana və özümə xəsarət yetirdiyim həmin bıçağı polis əməkdaşlarına təhvil verdim”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Orxan 6 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.
Hökmdən narazı qalan təqsirləndirilən şəxsin müdafiəçisi apellyasiya şikayəti verib. O, müvəkkilinin əməlini Cinayət Məcəlləsinin 126.1-ci (qəsdən sağlamlığa ağır zərər vurma) maddəsinə tövsif edilməsini, cəzasının yüngülləşdirilməsini istəyib.
Bu şikayətə Bakı Apellyasiya Məhkəməsində baxılıb. Şikayəti araşdıran hakimlər heyəti sonda qərar elan ediblər. Qərara görə, şikayət əsaslı hesab edilməyib və hökm qüvvəsində saxlanılıb.
Fariz Məlikli
Demokrat.az
Demokrat.az-ın əldə etdiyi xəbərə görə, Bakı şəhər sakini, 2000-ci il təvəllüdlü Orxan tanışı Kamran İbrahimovun yüksək səslə danışmasına və onun ünvanına nalayiq ifadələr işlətməsini bəhanə edib, heç bir əsaslı səbəb olmadan yaşadığı evdən götürdüyü bıçaqla ona zərbələr vurub.
Hadisəni törədən Orxanın barəsində Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddəsi ilə ittiham elan edilib.
İş üzrə təqsirləndirilən şəxs qismində ifadə verən Orxan ona elan olunmuş ittiham üzrə özünü təqsirli bilib. O, ifadəsində göstərib ki, hadisə günü içkili halda Kamranla birlikdə yaşadıqları məhəlləyə gedib: “Bu zaman yolda Kamran söyüş söydüyü üçün ətrafda yaşayan qonşulardan bununla bağlı ona iradını bildirib. Mən Kamranı oradan uzaqlaşdırdım. Bir az irəlidə Kamran qonşu irad bildirərkən nə üçün onu müdafiə etmədiyimi dedi və bu səbəbdən məni vurdu. Daha sonra isə söyüş söyməyə başladı. Bu vaxt gedərək evdən bıçaq götürdüm və geri qayıtdım. Kamrana bir bıçaq zərbəsi vurdum”.
İbtidai istintaq zamanı ifadə verən təqsirləndirilən şəxs qeyd edib ki, zərərçəkmiş şəxs onun dostudur, onunla bir məhəllədə yaşayır, aralarında dost kimi normal münasibət olub: “Hadisə günü, saat 23 radələrində Kamranla birlikdə Binəqədi qəsəbəsində yerləşən “Texas” adlanan kafedə spirtli içki olan pivə içməyə başladıq. Adama 4-5 bokal pivə içdikdən sonra Kamranla birlikdə kafedən çıxdıq və evimizə tərəf küçə ilə piyada hərəkət etməyə başladıq. Kamran küçədə yüksək səslə söyüş söydüyü zaman, xatırlamadığım evlərin birindən bir nəfər əvvəllər tanımadığım şəxs bayıra çıxdı, gecə saatlarında hamının yatdığını bildirdi, küçədə yüksək səslə söyüş söyməsini Kamrana irad tutdu. Mən də Kamrana həmin şəxsin doğru dediyini, küçədə nəyə görə söyüş söydüyünü bildirdim. Kamranla aramızda sözlə mübahisə yarandı. Kamran nə səbəbdən onun tərəfini tutmadığımı, həmin şəxsin cavabını nəyə görə vermədiyimi dedi, məni vurdu. Mən də evə daxil olaraq bıçaq götürdüm, geri qayıdaraq ona bıçaqla bir dəfə zərbə vurdum. Kamranı bıçaqla vurduqdan sonra, o, qışqırmağa başladı. Kamranın səsinə atası evdən çıxaraq, bizə yaxınlaşdı. Mən atasının yaxınlaşdığını gördüm və qaçaraq evə girdim. Evdə nə etdiyimi anladım, sağ əlimdə olan həmin bıçaqla iki dəfə sol döş qəfəsimə zərbə endirdim. Bundan sonra hadisə yerinə polis əməkdaşları gəldi. Onlar hadisə yerini müayinə etdilər. Mən də Kamrana və özümə xəsarət yetirdiyim həmin bıçağı polis əməkdaşlarına təhvil verdim”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Orxan 6 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.
Hökmdən narazı qalan təqsirləndirilən şəxsin müdafiəçisi apellyasiya şikayəti verib. O, müvəkkilinin əməlini Cinayət Məcəlləsinin 126.1-ci (qəsdən sağlamlığa ağır zərər vurma) maddəsinə tövsif edilməsini, cəzasının yüngülləşdirilməsini istəyib.
Bu şikayətə Bakı Apellyasiya Məhkəməsində baxılıb. Şikayəti araşdıran hakimlər heyəti sonda qərar elan ediblər. Qərara görə, şikayət əsaslı hesab edilməyib və hökm qüvvəsində saxlanılıb.
Fariz Məlikli
Demokrat.az
