Yevlax rayonunda 1984-cü il təvəllüdlü Eşqin şəxsi münasibətlər zəminində yaranan mübahisə zamanı tanışı Natiqə xəsarət yetirib.
Demokrat.az-ın əldə etdiyi xəbərə görə, hadisə bu ilin yanvarın 6-da baş verib. Kənd sakini Eşqin həmin gün saat 17 radələrində həmkəndlisi və tanışı Natiqə mobil telefonla zəng edib, sonuncudan əvvəllər götürdüyü borc pulun bir hissəsini qaytarmaq istədiyi deyib.
Daha sonra zərərçəkmiş şəxs ona Xaldan kəndi ərazisində olan adsız kafedə yemək yediyini deyib, onu da həmin kafeyə birlikdə yemək yeməyə dəvət edib. O, həmin kafeyə gedərək zərərçəkmiş şəxslə görüşüb, ona olan borcundan 300 manatını qaytarıb.
Bundan sonra Eşqin zərərçəkənlə birlikdə yemək yeyib, spirtli içki qəbul etdikdən sonra sonuncu ilə birlikdə oradan çıxıb. Həmin günü təxminən saat 23:00-da Yevlax rayonunun Hacıselli kəndində ailəsi ilə birlikdə yaşadığı evə gəliblər.
Eşqinin evinin həyətində çay içərkən zərərçəkmiş şəxs ünvansız nalayiq söyüşlər söyüb. O, ailə üzvlərinin həmin söyüşləri eşidə biləcəyini zərərçəkmiş şəxsə deyib və iradını bildirməsi səbəbindən onunla aralarında şəxsi münasibətlər zəminində mübahisə baş verib.
Mübahisə zamanı zərərçəkmiş şəxsin onu yumruqla vurmasından əsəbləşən ev sahibi ondan qisas almaq məqsədi ilə darvazasının həyətə doğru olan hissəsinə qoyulmuş dəmir parçasını götürüb. O, həmin dəmir parçası ilə zərərçəkənin baş və qol nahiyyələrinə zərbələr vurub.
Hadisəni törədən Eşqinin barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edilib.
Cinayət işi üzrə ifadə verən təqsirləndirilən şəxs ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş şəxs onun həmkəndlisidir: “Natiqlə aramızda ədavətlərimiz olmayıb, münasibətimiz yaxşı olub. Yanvarın 6-da, saat 23 radələrində Natiqlə telefon əlaqəsi saxlayaraq ona olan borcumu qaytarmaq istədiyimi dedim. Sonuncunun Xaldan kəndində kafedə yemək yediyini eşitdim, onun dəvəti ilə kafedə Natiqlə yemək yeyib, spirtli içki içdik. Bundan sonra birlikdə yaşadığımız kəndə qayıtdıq. Yaşadığım evin qarşısında küçədə Natiqə evə gedərək çay içib, sonra getməsini dedim. Natiq də razı oldu. Birlikdə evimin həyətinə getdim. Natiq isə həyətdə qaldı. Evdən çıxanda iki stəkan çay gətirdim və birlikdə çayı içdik. Sonra Natiqin ünvansız söyüş söyməsinə görə ona iradımı bildirdim, ailə üzvlərimin eşidə biləcəyini dedim. Həmin vaxtı aramızda mübahisə baş verdi. Mübahisə zamanı Natiq məni təhqir etdi. Zərərçəkmişi sakitləşdirmək istəsəm də, mənə məhəl vermədi, məni yumruqla vurdu. Natiq yenidən söyüş söydüyü üçün ailə üzvülərimin eşidəcəyini dedim, darvazanın arxasına qoyduğum dəmir parçası ilə onun bədən nahiyyəsinə vurdum”.
Təqsirləndirilən şəxs qeyd edib ki, həmin vaxt evdən həyat yoldaşı və oğlu gələrək onları ayırıblar: “Dava qurtardıqdan sonra oraya qonşum, həmdə qohumum olan Vəli gəldi. Vəli Natiqi yerdən qaldıraraq apardı. Sonradan bildim ki, zərərçəkən xəsarət aldığına görə onu Mingəçevir Şəhər Mərkəzi Xəstəxanasına apardılar. Hadisədən sonra məni polis əməkdaşlarının axtardığını bildim və kəndin arasındakı küçədə olarkən məni polis əməkdaşları saxladılar. Natiqi vurduğum dəmir parçasının evdə olduğunu dedim və həmin aləti də polis əməkdaşlarına təqdim etmək istədiyimi söylədim. Evdən həmin dəmir metal parçasını götürərək polis əməkdaşlarına təqdim etdim”.
Bu cinayət işinə Yevlax Rayon Məhkəməsində baxılıb. Məhkəmənin hökmü ilə Eşqin 8 ay müddətinə azadlıqdan məhrum edilib. Təqsirləndirilən şəxsin cəzasını ümumi rejimli cəzaçəkmə müəssisəsində çəkməsi qərara alınıb.
Fariz Məlikli
Demokrat.az
Demokrat.az-ın əldə etdiyi xəbərə görə, hadisə bu ilin yanvarın 6-da baş verib. Kənd sakini Eşqin həmin gün saat 17 radələrində həmkəndlisi və tanışı Natiqə mobil telefonla zəng edib, sonuncudan əvvəllər götürdüyü borc pulun bir hissəsini qaytarmaq istədiyi deyib.
Daha sonra zərərçəkmiş şəxs ona Xaldan kəndi ərazisində olan adsız kafedə yemək yediyini deyib, onu da həmin kafeyə birlikdə yemək yeməyə dəvət edib. O, həmin kafeyə gedərək zərərçəkmiş şəxslə görüşüb, ona olan borcundan 300 manatını qaytarıb.
Bundan sonra Eşqin zərərçəkənlə birlikdə yemək yeyib, spirtli içki qəbul etdikdən sonra sonuncu ilə birlikdə oradan çıxıb. Həmin günü təxminən saat 23:00-da Yevlax rayonunun Hacıselli kəndində ailəsi ilə birlikdə yaşadığı evə gəliblər.
Eşqinin evinin həyətində çay içərkən zərərçəkmiş şəxs ünvansız nalayiq söyüşlər söyüb. O, ailə üzvlərinin həmin söyüşləri eşidə biləcəyini zərərçəkmiş şəxsə deyib və iradını bildirməsi səbəbindən onunla aralarında şəxsi münasibətlər zəminində mübahisə baş verib.
Mübahisə zamanı zərərçəkmiş şəxsin onu yumruqla vurmasından əsəbləşən ev sahibi ondan qisas almaq məqsədi ilə darvazasının həyətə doğru olan hissəsinə qoyulmuş dəmir parçasını götürüb. O, həmin dəmir parçası ilə zərərçəkənin baş və qol nahiyyələrinə zərbələr vurub.
Hadisəni törədən Eşqinin barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edilib.
Cinayət işi üzrə ifadə verən təqsirləndirilən şəxs ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş şəxs onun həmkəndlisidir: “Natiqlə aramızda ədavətlərimiz olmayıb, münasibətimiz yaxşı olub. Yanvarın 6-da, saat 23 radələrində Natiqlə telefon əlaqəsi saxlayaraq ona olan borcumu qaytarmaq istədiyimi dedim. Sonuncunun Xaldan kəndində kafedə yemək yediyini eşitdim, onun dəvəti ilə kafedə Natiqlə yemək yeyib, spirtli içki içdik. Bundan sonra birlikdə yaşadığımız kəndə qayıtdıq. Yaşadığım evin qarşısında küçədə Natiqə evə gedərək çay içib, sonra getməsini dedim. Natiq də razı oldu. Birlikdə evimin həyətinə getdim. Natiq isə həyətdə qaldı. Evdən çıxanda iki stəkan çay gətirdim və birlikdə çayı içdik. Sonra Natiqin ünvansız söyüş söyməsinə görə ona iradımı bildirdim, ailə üzvlərimin eşidə biləcəyini dedim. Həmin vaxtı aramızda mübahisə baş verdi. Mübahisə zamanı Natiq məni təhqir etdi. Zərərçəkmişi sakitləşdirmək istəsəm də, mənə məhəl vermədi, məni yumruqla vurdu. Natiq yenidən söyüş söydüyü üçün ailə üzvülərimin eşidəcəyini dedim, darvazanın arxasına qoyduğum dəmir parçası ilə onun bədən nahiyyəsinə vurdum”.
Təqsirləndirilən şəxs qeyd edib ki, həmin vaxt evdən həyat yoldaşı və oğlu gələrək onları ayırıblar: “Dava qurtardıqdan sonra oraya qonşum, həmdə qohumum olan Vəli gəldi. Vəli Natiqi yerdən qaldıraraq apardı. Sonradan bildim ki, zərərçəkən xəsarət aldığına görə onu Mingəçevir Şəhər Mərkəzi Xəstəxanasına apardılar. Hadisədən sonra məni polis əməkdaşlarının axtardığını bildim və kəndin arasındakı küçədə olarkən məni polis əməkdaşları saxladılar. Natiqi vurduğum dəmir parçasının evdə olduğunu dedim və həmin aləti də polis əməkdaşlarına təqdim etmək istədiyimi söylədim. Evdən həmin dəmir metal parçasını götürərək polis əməkdaşlarına təqdim etdim”.
Bu cinayət işinə Yevlax Rayon Məhkəməsində baxılıb. Məhkəmənin hökmü ilə Eşqin 8 ay müddətinə azadlıqdan məhrum edilib. Təqsirləndirilən şəxsin cəzasını ümumi rejimli cəzaçəkmə müəssisəsində çəkməsi qərara alınıb.
Fariz Məlikli
Demokrat.az
