Ölkəmizdə il boyu işləyib, dincəlmək üçün yay tətilini səbirsizliklə gözləyən xeyli sayda insan var. Onların bir qismi adətən dincəlmək üçün yerli turizm bölgələrinə üz tuturlar.
Bəs həmin turizm bölgələrində insanların dincəlməsi üçün nəzərdə tutulan kirayə evlər onların büdcəsinə nə qədər uyğundur və bu il bölgələrdə qiymətlər hansı səviyyədədir?
Bu suala cavab tapmaq üçün Azərbaycanın ən gözəl guşələrindən biri sayılan Qaxa üz tutduq. İlk öncə rayonun ən turistik kəndi olan İlusu sakini ilə həmsöhbət olduq.
Kənd sakini Telman Abdullayevin Bizim.Media-ya verdiyi məlumata görə kirayə evlərin qiyməti keçən ildəkindən nisbətən qalxıb.
O, bunun səbəbini kommunal xidmət qiymətlərinin qalxmasında görür:
“Kəndimizdə evlər müxtəlif qiymətə kirayə verilir. Bu onun şəraitindən və yerləşmə yerindən asılıdır. Kəndimizdə elə küçələr var ki, çox dardır və gələn qonaqlar üçün maşın saxlamaqda, hərəkət etməkdə maneçilik törədir və bu da qiymətlərdə də öz təsirini göstərir. Bundan başqa evin şəraitindən və təmizliyindən də çox şey asılıdır.
Məsələn biz otağın birini bir gecəlik 30 manata verirdiksə, bu il 35-40 manatdır. Bir otaqda 4-5 nəfər qala bilir. Amma evi bütövlüklə verəndə 100 manata veririk. Evləri bizdən də baha qiymətə verən insanlar var.
O da onun şəraitindən asılıdır. Kirayə ev qiymətlərin bahalaşmasına digər bir səbəb də yuyucu vasitələrinin qiymətinin qalxması olub. Çünki yoldaşım müştərini məmnun etmək üçün daimi yorğan-döşəyi, sanitar qovşağını və evi təmiz saxlamağa çalışır. Buna görə xərcləri nəzərə alaraq qiymətlərdə artım etmək məcburiyyətində qaldıq”.
Qaxın Qaxbaş sakini Gülbəniz Qurbanovanın sözlərinə görə isə qiymətlər evdə qalacaq adam sayına və qaldığı gündən asılı olaraq dəyişir:
“Mən illərdir ki, evlərimi və koteclərimi kirayə verirəm. Demək olar ki, ilin bütün fəslində qonaqlarım olur. Məndən evin qiymətini soruşanda ilk sualım neçə gün qalacaqları və neçə nəfər qalması olur. Evdə 17 nəfərə qədər adam qala bilər. Adam sayı və qaldığı müddət çox olarsa, bu qiymətə təsir edə bilir. 10 nəfərə qədər 150 manat, 10 nəfərdən 20 nəfərə, yəni rahat 3-4 ailə birləşib qala biləcək say olanda qiymət 200 manata qədər dəyişir. Koteclərdə isə qiymətlər standart 150 manatdır”,– deyə Gülbəniz xanım əlavə edib.
Biz eyni zamanda burada yerləşən hotellərdəki qiymətlərlə də maraqlandıq. Əksər hotellərdən 2 nəfərlik 60-70, 3-4 nəfərlik otağın səhər yeməyi ilə birgə isə 100-120 manat arasında dəyişdiyini bildirdilər.
Əlavə olaraq rayon ərazisində yerləşən aylıq və günlük evlərin də qiyməti ilə maraqlandıq. Məlum oldu ki, rayon mərkəzində evlər əgər aylıq verilirsə, 1 ayı 400-500 manata, günlük isə 30-40 manat arası dəyişir.
Qeyd edək ki, Zaqatala və Balakən rayonlarında da kirayə evlərin qiyməti heç də Qaxdan geri qalmır.
Bəs həmin turizm bölgələrində insanların dincəlməsi üçün nəzərdə tutulan kirayə evlər onların büdcəsinə nə qədər uyğundur və bu il bölgələrdə qiymətlər hansı səviyyədədir?
Bu suala cavab tapmaq üçün Azərbaycanın ən gözəl guşələrindən biri sayılan Qaxa üz tutduq. İlk öncə rayonun ən turistik kəndi olan İlusu sakini ilə həmsöhbət olduq.
Kənd sakini Telman Abdullayevin Bizim.Media-ya verdiyi məlumata görə kirayə evlərin qiyməti keçən ildəkindən nisbətən qalxıb.
O, bunun səbəbini kommunal xidmət qiymətlərinin qalxmasında görür:
“Kəndimizdə evlər müxtəlif qiymətə kirayə verilir. Bu onun şəraitindən və yerləşmə yerindən asılıdır. Kəndimizdə elə küçələr var ki, çox dardır və gələn qonaqlar üçün maşın saxlamaqda, hərəkət etməkdə maneçilik törədir və bu da qiymətlərdə də öz təsirini göstərir. Bundan başqa evin şəraitindən və təmizliyindən də çox şey asılıdır.
Məsələn biz otağın birini bir gecəlik 30 manata verirdiksə, bu il 35-40 manatdır. Bir otaqda 4-5 nəfər qala bilir. Amma evi bütövlüklə verəndə 100 manata veririk. Evləri bizdən də baha qiymətə verən insanlar var.
O da onun şəraitindən asılıdır. Kirayə ev qiymətlərin bahalaşmasına digər bir səbəb də yuyucu vasitələrinin qiymətinin qalxması olub. Çünki yoldaşım müştərini məmnun etmək üçün daimi yorğan-döşəyi, sanitar qovşağını və evi təmiz saxlamağa çalışır. Buna görə xərcləri nəzərə alaraq qiymətlərdə artım etmək məcburiyyətində qaldıq”.
Qaxın Qaxbaş sakini Gülbəniz Qurbanovanın sözlərinə görə isə qiymətlər evdə qalacaq adam sayına və qaldığı gündən asılı olaraq dəyişir:
“Mən illərdir ki, evlərimi və koteclərimi kirayə verirəm. Demək olar ki, ilin bütün fəslində qonaqlarım olur. Məndən evin qiymətini soruşanda ilk sualım neçə gün qalacaqları və neçə nəfər qalması olur. Evdə 17 nəfərə qədər adam qala bilər. Adam sayı və qaldığı müddət çox olarsa, bu qiymətə təsir edə bilir. 10 nəfərə qədər 150 manat, 10 nəfərdən 20 nəfərə, yəni rahat 3-4 ailə birləşib qala biləcək say olanda qiymət 200 manata qədər dəyişir. Koteclərdə isə qiymətlər standart 150 manatdır”,– deyə Gülbəniz xanım əlavə edib.
Biz eyni zamanda burada yerləşən hotellərdəki qiymətlərlə də maraqlandıq. Əksər hotellərdən 2 nəfərlik 60-70, 3-4 nəfərlik otağın səhər yeməyi ilə birgə isə 100-120 manat arasında dəyişdiyini bildirdilər.
Əlavə olaraq rayon ərazisində yerləşən aylıq və günlük evlərin də qiyməti ilə maraqlandıq. Məlum oldu ki, rayon mərkəzində evlər əgər aylıq verilirsə, 1 ayı 400-500 manata, günlük isə 30-40 manat arası dəyişir.
Qeyd edək ki, Zaqatala və Balakən rayonlarında da kirayə evlərin qiyməti heç də Qaxdan geri qalmır.
