Azərbaycanda ipoteka şərtlərinə yenidən baxılması təklif edilir. Mənzil hüququnun daha səmərəli təmin edilməsi məqsədilə, real bazar qiymətləri və əhalinin alıcılıq qabiliyyəti nəzərə alınmaqla güzəştli ipoteka kreditinin şərtlərinə yenidən baxılması, kreditin maksimal məbləğinin artırılması, ilkin ödəniş məbləğinin minimuma endirilməsi, kredit müddətinin uzadılması, faiz dərəcəsinin aşağı salınması, ipoteka kreditləri üzrə güzəştlərdən istifadə etmək hüququna malik şəxslərin siyahısının genişləndirilməsi məqsədilə qanunvericiliyə əlavə və dəyişikliklərin edilməsi vacibdir. Bu Azərbaycan Respublikasının İnsan hüquqları üzrə müvəkkilinin (ombudsmanın) 2024-cü il üzrə məruzəsində əksini tapıb.
Bu barədə Əmlak eksperti Vəfadar Axundov Demokrat.az-a açıqlama verib.
O deyib ki, təbii ki, bu təkliflər olduqca yaxşıdır:
“Amma əmlak bazarı bu formada davam edərsə, qiymətlərin yüksəlməsinə səbəb olacaq. Nəticədə əmlakın qiyməti bir daha artacaq. Hazırda bazardakı qiymətlər faktiki olaraq həddindən artıq yüksəkdir. Məsələn, iki otaqlı mənzillər Yasamal ərazisində 140–145 min manatdan başlayır, hətta 250 min manata qədər yüksəlir. Bu mənzillər hələ tam təmirli deyil, ipoteka üçün də əlçatan olmaya bilər. Yeni tikililərdə, məsələn, "Elmlər Akademiyası" ətrafında fundament mərhələsində olan mənzillərin kvadrat metri artıq 2,800–3,000 manata qədər təklif olunur. Bu, ümumilikdə qiymətlərin daha da bahalaşmasına gətirib çıxaracaq. Nəticə etibarilə, adi vətəndaş üçün mənzil almaq daha da çətinləşəcək. Əmlak bazarında nə qədər tələbat artsa, qiymətlər də bir o qədər yüksəlir. Yaxşı olardı ki, regionlarda mənzil alma imkanları genişləndirilsin və regionların inkişafı üçün əlavə tədbirlər görülsün”.
Leyla Turan
Demokrat.az
Bu barədə Əmlak eksperti Vəfadar Axundov Demokrat.az-a açıqlama verib.
O deyib ki, təbii ki, bu təkliflər olduqca yaxşıdır:
“Amma əmlak bazarı bu formada davam edərsə, qiymətlərin yüksəlməsinə səbəb olacaq. Nəticədə əmlakın qiyməti bir daha artacaq. Hazırda bazardakı qiymətlər faktiki olaraq həddindən artıq yüksəkdir. Məsələn, iki otaqlı mənzillər Yasamal ərazisində 140–145 min manatdan başlayır, hətta 250 min manata qədər yüksəlir. Bu mənzillər hələ tam təmirli deyil, ipoteka üçün də əlçatan olmaya bilər. Yeni tikililərdə, məsələn, "Elmlər Akademiyası" ətrafında fundament mərhələsində olan mənzillərin kvadrat metri artıq 2,800–3,000 manata qədər təklif olunur. Bu, ümumilikdə qiymətlərin daha da bahalaşmasına gətirib çıxaracaq. Nəticə etibarilə, adi vətəndaş üçün mənzil almaq daha da çətinləşəcək. Əmlak bazarında nə qədər tələbat artsa, qiymətlər də bir o qədər yüksəlir. Yaxşı olardı ki, regionlarda mənzil alma imkanları genişləndirilsin və regionların inkişafı üçün əlavə tədbirlər görülsün”.
Leyla Turan
Demokrat.az
