Zəngilanda yerləşən “Ağalı Hotel”ə infotur keçiriləcək

TURİZM 03 aprel 2025, 17:48
5-6 aprel tarixlərində Azərbaycanın Zəngilan rayonunda yerləşən “Ağalı Hotel”ə infotur keçiriləcək.

Azərbaycan Sağlamlıq və Termal Turizmə Dəstək Assosiasiyasının və “Skal İnternational” turizm peşəkarları təşkilatının Bakı klubunun rəsmi dəstəyi, “Premier Tour” MMC-nin təşəbbüsü ilə reallaşacaq infoturda Azərbaycanda fəaliyyət göstərən turizm şirkətlərinin və media nümayəndələrinin iştirakı nəzərdə tutulur.

Səfər çərçivəsində tur iştirakçılarının Şərqi Zəngəzur iqtisadi rayonunun turizm potensialı, bu sahənin inkişaf meylləri, həmçinin “Ağalı Hotel”lə tanışlığı həyata keçiriləcək.

Qeyd edək ki, iki gün davam edəcək infoturun məqsədi Azərbaycanda turizm fəaliyyəti ilə məşğul olan şirkətlərin dəstəyi ilə Şərqi Zəngəzur bölgəsinə turizm axınını gücləndirmək, bu istiqamətdə çeşidli turların təşkilinə nail olmaqdır.

QEYD: Zəngilan rayonu Azərbaycan Respublikasının Şərqi Zəngəzur iqtisadi rayonuna daxildir. Qafqaz dağlarının cənub-şərqində, Araz çayının sol sahilində yerləşir, İran İslam Respublikası və həmsərhəddir.

Zəngilan rayonu turizm potensialı baxımından böyük imkanlara malikdir. Rayonun təbii gözəlliyi, unikal ekosistemi və tarixi abidələri buranı cəlbedici turizm məkanına çevirə bilər.
 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top