Xəbər verdiyimiz kimi, Tovuz rayonunun Bozalqanlı kəndindən olan 13 yaşlı uşaq itkin düşüb.
Məlumata görə, 2012-ci il təvəllüdlü A.Süleymanova ötən gün axşam saat 18:00 radələrində oxuduğu Bozalqanlı kənd tam orta məktəbindən çıxıb və evə qayıtmayıb.
Bizim.Media azyaşlının atası Elçin Süleymanovla əlaqə saxlayıb.
Ata bildirib ki, uşağın hara getməsi ilə bağlı heç bir ehtimalı yoxdur:
“Hara gedə bilər, heç bilmirəm. Heç bir məlumatımız, ehtimalımız yoxdur. Olmağına bir az əsəbi uşaqdır. Hətta onu psixoloq yanına da qoymuşduq. Qızım nənəsi-babası ilə yaşayır. Axırıncı dəfə Qəbələyə ekskursiyaya getmək üçün icazə istədi. Bundan əvvəl iki dəfə gəzintiyə getməsinə icazə vermişdik. Bu dəfə icazə vermədik. Dedik, qız uşağıdır. Yol da uzaqdır. Yeganə ehtimal edirik ki, icazə vermədiyimiz üçün əsəbləşib çıxıb gedib. Dərsdən çıxanda anamla atam məktəbin qabağında olub. Amma maşına minməyib, deyib özüm yavaş-yavaş gəlirəm. Elə ordan da çıxıb gedib”.
Ata deyir ki, hazırda polis əməkdaşları və kənd camaatı uşağın axtarışındadır:
“Hara gedib, hansı səmtə üz tutub, bilən yoxdu. Nə rəfiqələri, nə yoldaşları hayana getdiyini bilmir. Bütün qohum-əqraba, tanış-biliş, polis hamı axtarır. Hazırda kameradan hara getdiyinə baxırıq. Kamera göstərir ki, axşam saat 9-da Əlimərdanlı yolunda görünüb. Ümid edirəm izinə düşüb tapa bilərik”, - deyə ata əlavə edib.
Məlumata görə, 2012-ci il təvəllüdlü A.Süleymanova ötən gün axşam saat 18:00 radələrində oxuduğu Bozalqanlı kənd tam orta məktəbindən çıxıb və evə qayıtmayıb.
Bizim.Media azyaşlının atası Elçin Süleymanovla əlaqə saxlayıb.
Ata bildirib ki, uşağın hara getməsi ilə bağlı heç bir ehtimalı yoxdur:
“Hara gedə bilər, heç bilmirəm. Heç bir məlumatımız, ehtimalımız yoxdur. Olmağına bir az əsəbi uşaqdır. Hətta onu psixoloq yanına da qoymuşduq. Qızım nənəsi-babası ilə yaşayır. Axırıncı dəfə Qəbələyə ekskursiyaya getmək üçün icazə istədi. Bundan əvvəl iki dəfə gəzintiyə getməsinə icazə vermişdik. Bu dəfə icazə vermədik. Dedik, qız uşağıdır. Yol da uzaqdır. Yeganə ehtimal edirik ki, icazə vermədiyimiz üçün əsəbləşib çıxıb gedib. Dərsdən çıxanda anamla atam məktəbin qabağında olub. Amma maşına minməyib, deyib özüm yavaş-yavaş gəlirəm. Elə ordan da çıxıb gedib”.
Ata deyir ki, hazırda polis əməkdaşları və kənd camaatı uşağın axtarışındadır:
“Hara gedib, hansı səmtə üz tutub, bilən yoxdu. Nə rəfiqələri, nə yoldaşları hayana getdiyini bilmir. Bütün qohum-əqraba, tanış-biliş, polis hamı axtarır. Hazırda kameradan hara getdiyinə baxırıq. Kamera göstərir ki, axşam saat 9-da Əlimərdanlı yolunda görünüb. Ümid edirəm izinə düşüb tapa bilərik”, - deyə ata əlavə edib.
