"Valideynini itirmiş, valideyn himayəsindən məhrum olmuş uşaqlar ümumtəhsil, peşə, orta ixtisas təhsili, ali təhsil müəssisələrini bitirdikləri zaman müvafiq icra hakimiyyəti orqanının təsdiq etdiyi qaydada paltar, ayaqqabı, orta əmək haqqının iki misli məbləği ilə birdəfəlik təmin olunurlar. Bu məsələ parlamentdə yekdilliklə qəbul edildi, ölkə başçımız qanunun təsdiq etdi. Qanunla yalnız birdəfəlik vəsait ödənməyəcək, həmin uşaqların sosial müdafiəsinin gücləndirilməsi ilə bağlı da tədbirlər görüləcək".
Bu sözləri Demokrat.az-a açıqlamasında Milli Məclisin deputatı Vüqar İskəndərli deyib.
Deputat bildirib ki, ödənişli təhsil alan hər bir şəxsin təhsil haqqı dövlət tərəfindən ödənilir:
"Həmin şəxslərə tibbi xidmətlər üzrə təminatlar, əmlak və yaşayış üzrə təminatların göstərilməsi də qanunda öz əksini tapır. Azərbaycanda sosial sahələrə, əsasən, xüsusi qayğıya ehtiyacı olan insanlara dövlətin qayğısı ilə bağlı bir çox mütərəqqi qərarlar qəbul edilib. Bununla da Azərbaycanın sosial dövlət olması ilə bağlı işlər öz əksini tapır. Valideynini itirmiş, valideyn himayəsindən məhrum olmuş uşaqların mülkiyyətində olan özəlləşdirilmiş mənzil sahələri barədə tədbirlər yerinə yetirərkən müvafiq icra orqanlarının həmin uşaqlar üzərində qəyyumluq və himayəçilik təyin edildikdə isə qəyyumluq və himayəçilik orqanına müraciət olunmalıdır".
Onun sözlərinə görə, qanun həm də cəzaçəkmə müəssisəsində olan həmin şəxslərə də aiddir:
"Onlar cəzaçəkmə müəssisəsindən qayıtdıqdan sonra qəyyumluq və himayəçilik orqanına müraciət edir. Bu mənada da dövlət həmin şəxslərə öz diqqətini göstərmiş olur. Bu cür gənclərə əmək hüququ tanınır, hüquqların müdafiəsi üçün vacib addımlar atılır. Bu qanun ölkəmizdə sosial təminatla bağlı dövlətin insanımızın yanında olmasının bariz nümunəsidir".
Qeyd edək ki, "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" Azərbaycan Respublikasının Qanununda dəyişiklik edilib.
Əfsanə Kamal
Demokrat.az
Bu sözləri Demokrat.az-a açıqlamasında Milli Məclisin deputatı Vüqar İskəndərli deyib.
Deputat bildirib ki, ödənişli təhsil alan hər bir şəxsin təhsil haqqı dövlət tərəfindən ödənilir:
"Həmin şəxslərə tibbi xidmətlər üzrə təminatlar, əmlak və yaşayış üzrə təminatların göstərilməsi də qanunda öz əksini tapır. Azərbaycanda sosial sahələrə, əsasən, xüsusi qayğıya ehtiyacı olan insanlara dövlətin qayğısı ilə bağlı bir çox mütərəqqi qərarlar qəbul edilib. Bununla da Azərbaycanın sosial dövlət olması ilə bağlı işlər öz əksini tapır. Valideynini itirmiş, valideyn himayəsindən məhrum olmuş uşaqların mülkiyyətində olan özəlləşdirilmiş mənzil sahələri barədə tədbirlər yerinə yetirərkən müvafiq icra orqanlarının həmin uşaqlar üzərində qəyyumluq və himayəçilik təyin edildikdə isə qəyyumluq və himayəçilik orqanına müraciət olunmalıdır".
Onun sözlərinə görə, qanun həm də cəzaçəkmə müəssisəsində olan həmin şəxslərə də aiddir:
"Onlar cəzaçəkmə müəssisəsindən qayıtdıqdan sonra qəyyumluq və himayəçilik orqanına müraciət edir. Bu mənada da dövlət həmin şəxslərə öz diqqətini göstərmiş olur. Bu cür gənclərə əmək hüququ tanınır, hüquqların müdafiəsi üçün vacib addımlar atılır. Bu qanun ölkəmizdə sosial təminatla bağlı dövlətin insanımızın yanında olmasının bariz nümunəsidir".
Qeyd edək ki, "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" Azərbaycan Respublikasının Qanununda dəyişiklik edilib.
Əfsanə Kamal
Demokrat.az
