Tovuz rayonunda 1995-ci il təvəllüdlü Şahmar şəxsi münasibətlər zəminində yaranan mübahisə zamanı tanışı Vüsala (adlar şərti göstərilib – red.) xəsarət yetirib.
Demokrat.az-ın əldə etdiyi məlumata görə, hadisə Tovuz rayonunun Qovlar şəhəri ilə Tovuz rayonu Aşağı Quşçu kəndinin sərhəddində “Qovlar arxı” adlanan su arxının yanında baş verib.
Şahmar orada aralarında yaranmış şəxsi münasibətlər zəminində mübahisə zamanı tanışı Vüsalın sifət nahiyəsinə qəsdən yumruq zərbəsi vurub. Ona müxtəlif dərəcəli xəsarətlər yetirib.
Hadisəni törədən Şahmarın barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edib.
Cinayət işi üzrə təqsirləndirilən şəxs qismində ifadə verən Şahmar ona elan olunmuş ittiham üzrə özünü təqsirli bilib. O, ifadəsində bildirib ki, Tovuz rayonunun Qovlar şəhərində yaşayır, rəsmi olaraq heç bir yerdə işləmir, 3-cü qrup əlildir: “Zərərçəkmiş Vüsalı tanıyıram və münasibətlərimiz yaxşı olub. Hadisə günü, saat 13 radələrində Vüsal zəng edərək, mənə məxsus iribuynuzlu heyvanların üzüm sahəsinə daxil olmasını və maddi ziyan vurmasını bildirdi. Mən isə cavabımda heyvanların onun torpaq sahəsinə daxil olmadığını bildirdim. Bu zaman Vüsal mənim mərhum anamın qəbrinə nalayiq ifadə işlətdi. Mən də Vüsalın nalayiq ifadə işlətməsinə əsəbləşdim və harada olmasını soruşdum. Vüsal isə evdə olmasını söylədi. Vüsaldan yaşadığı evdən bayıra çıxmasını istədim. Vüsal isə evinin yaxınlığında olan su arxının yanında olmasını bildirdi. Mən dostum Tural ilə birlikdə qeyd olunan əraziyə getdim. Orada Vüsaldan mənə qarşı nə üçün nalayiq ifadə işlətməsini soruşdum. Vüsal isə cavabında heyvanlarımın onun əkin sahəsinə daxil olmasını və ona maddi ziyan dəydiyini bildirdi”.
Təqsirləndirilən şəxs qeyd edib ki, həmin vaxt Vüsal tək olub: “Mən isə Vüsala heyvanlarımın onun əkin sahəsinə daxil olmadığını söylədim. Bu zaman aramızda mübahisə yarandı. Mübahisə zamanı Vüsalın sol göz nahiyəsinə yumruq ilə zərbə endirdim. Zərbə nəticəsində Vüsal yerə yıxıldı. Hadisə zamanı yanımızda yalnız Tural olub və hadisə təxminən 1-2 dəqiqə davam etdi”.
İş üzrə zərərçəkmiş qismində ifadə verən Vüsalın sözlərinə görə, rəsmi olaraq heç bir yerdə işləmir və sahibkarlıqla məşğul olur: “Tovuz rayonu Aşağı Quşçu kəndində mənə məxsus 1 hektar torpaq sahəsi var və həmin torpaq sahəsində üzüm əkmişəm. Təqsirləndirilən Şahmar xırdabuynuzlu və iribuynuzlu heyvanlarının saxlanılması üçün ferması var. Mən hadisə günü səhər saatlarında torpaq sahəsinə baxış keçirən zaman Şahmara məxsus iribuynuzlu heyvanların üzüm çilinglərini qırdığını və mənə xeyli miqdarda ziyan vurduğunu gördüm. Şahmara zəng edərək heyvanlarını nə səbəb mənim əkin sahəmdə otardığını soruşdum. Şahmar isə heyvanlarını mənim üzüm sahəmdə otarmadığını bildirdi.
Bu zaman bizim aramızda mübahisə yarandı. Qarşılıqlı şəkildə bir-birimizə nalayiq ifadələr işlətdik”.
Zərərçəkmiş qeyd edib ki, daha sonra onlar saat 13 radələrində əkin sahəsində görüşüblər: “Mən Şahmara dəymiş maddi ziyanı ödəməsini bildirdim. Şahmar isə ödəməyəcəyini söylədi. Bu zaman aramızda mübahisə yarandı. Mübahisə zamanı Şahmar sifətimə yumruq ilə vurdu. Mən zərbənin təsirindən yerə yıxıldım. Bundan sonra hadisə yerində olan Tural adlı şəxs bizi araladı. Mən isə oradan uzaqlaşaraq Tovuz Rayon Polis Şöbəsinin Qovlar Polis Bölməsinə gələrək şikayət ərizəsi yazdım”.
Bu cinayət işinə Tovuz Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Şahmarın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisə Tovuz rayonunun Qovlar şəhəri ilə Tovuz rayonu Aşağı Quşçu kəndinin sərhəddində “Qovlar arxı” adlanan su arxının yanında baş verib.
Şahmar orada aralarında yaranmış şəxsi münasibətlər zəminində mübahisə zamanı tanışı Vüsalın sifət nahiyəsinə qəsdən yumruq zərbəsi vurub. Ona müxtəlif dərəcəli xəsarətlər yetirib.
Hadisəni törədən Şahmarın barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edib.
Cinayət işi üzrə təqsirləndirilən şəxs qismində ifadə verən Şahmar ona elan olunmuş ittiham üzrə özünü təqsirli bilib. O, ifadəsində bildirib ki, Tovuz rayonunun Qovlar şəhərində yaşayır, rəsmi olaraq heç bir yerdə işləmir, 3-cü qrup əlildir: “Zərərçəkmiş Vüsalı tanıyıram və münasibətlərimiz yaxşı olub. Hadisə günü, saat 13 radələrində Vüsal zəng edərək, mənə məxsus iribuynuzlu heyvanların üzüm sahəsinə daxil olmasını və maddi ziyan vurmasını bildirdi. Mən isə cavabımda heyvanların onun torpaq sahəsinə daxil olmadığını bildirdim. Bu zaman Vüsal mənim mərhum anamın qəbrinə nalayiq ifadə işlətdi. Mən də Vüsalın nalayiq ifadə işlətməsinə əsəbləşdim və harada olmasını soruşdum. Vüsal isə evdə olmasını söylədi. Vüsaldan yaşadığı evdən bayıra çıxmasını istədim. Vüsal isə evinin yaxınlığında olan su arxının yanında olmasını bildirdi. Mən dostum Tural ilə birlikdə qeyd olunan əraziyə getdim. Orada Vüsaldan mənə qarşı nə üçün nalayiq ifadə işlətməsini soruşdum. Vüsal isə cavabında heyvanlarımın onun əkin sahəsinə daxil olmasını və ona maddi ziyan dəydiyini bildirdi”.
Təqsirləndirilən şəxs qeyd edib ki, həmin vaxt Vüsal tək olub: “Mən isə Vüsala heyvanlarımın onun əkin sahəsinə daxil olmadığını söylədim. Bu zaman aramızda mübahisə yarandı. Mübahisə zamanı Vüsalın sol göz nahiyəsinə yumruq ilə zərbə endirdim. Zərbə nəticəsində Vüsal yerə yıxıldı. Hadisə zamanı yanımızda yalnız Tural olub və hadisə təxminən 1-2 dəqiqə davam etdi”.
İş üzrə zərərçəkmiş qismində ifadə verən Vüsalın sözlərinə görə, rəsmi olaraq heç bir yerdə işləmir və sahibkarlıqla məşğul olur: “Tovuz rayonu Aşağı Quşçu kəndində mənə məxsus 1 hektar torpaq sahəsi var və həmin torpaq sahəsində üzüm əkmişəm. Təqsirləndirilən Şahmar xırdabuynuzlu və iribuynuzlu heyvanlarının saxlanılması üçün ferması var. Mən hadisə günü səhər saatlarında torpaq sahəsinə baxış keçirən zaman Şahmara məxsus iribuynuzlu heyvanların üzüm çilinglərini qırdığını və mənə xeyli miqdarda ziyan vurduğunu gördüm. Şahmara zəng edərək heyvanlarını nə səbəb mənim əkin sahəmdə otardığını soruşdum. Şahmar isə heyvanlarını mənim üzüm sahəmdə otarmadığını bildirdi.
Bu zaman bizim aramızda mübahisə yarandı. Qarşılıqlı şəkildə bir-birimizə nalayiq ifadələr işlətdik”.
Zərərçəkmiş qeyd edib ki, daha sonra onlar saat 13 radələrində əkin sahəsində görüşüblər: “Mən Şahmara dəymiş maddi ziyanı ödəməsini bildirdim. Şahmar isə ödəməyəcəyini söylədi. Bu zaman aramızda mübahisə yarandı. Mübahisə zamanı Şahmar sifətimə yumruq ilə vurdu. Mən zərbənin təsirindən yerə yıxıldım. Bundan sonra hadisə yerində olan Tural adlı şəxs bizi araladı. Mən isə oradan uzaqlaşaraq Tovuz Rayon Polis Şöbəsinin Qovlar Polis Bölməsinə gələrək şikayət ərizəsi yazdım”.
Bu cinayət işinə Tovuz Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən Şahmarın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
