Ən böyük axtarış saytı olan Quql 2024-cü ildə dünyanın müxtəlif yerlərində yaşayan insanların daha çox axtardığı və maraqlandığı mövzuların siyahısını hazırlayıb.
Axşam.az xəbər verir ki, idman hadisələri arasında Amerika Kuboku, UEFA 2024, Kriket üzrə Dünya Kuboku və bu idman növü üzrə İngiltərə və Hindistan milli komandaları arasında qarşıdurma axtarılıb.
Axtarışlarda ən populyar filmlər “Inside Out 2”, "Deadpool & Wolverine", "Soltbern", "Beetlejuice 2" və "Dune: Part Two", seriallar isə “Fawn”, “Fallout”, “House of the Dragon”, “Hiramandi” və “Shogun” olub.
Ən çox axtarılan mahnılar siyahısında Kendrik Lamarın "Not Like Us", Bruno Mars və Rouzun "APT", "Creepy Nuts" qrupunun "Bling-Bang-Bang-Born" və Sabrina Karpenterin "Espresso" hitləri qərarlaşıb.
Ən çox axtarılan müğənnilər Liam Peyn, P.Diddi, Aşer, "Linkin Park" qrupu, Sabrina Karpenter və Castin Timberleyk olub.
Aktyorlar arasında isə bunlar komediyaçısı Katt Uiliams, Pavan Kalyan, Adam Brodi, Ella Pörnell və Hina Xandır.
Ən çox müzakirə olunan xəbər hadisəsi ABŞ-də prezident seçkiləri olub.
İstifadəçilər tez-tez təbii fəlakətlər, xüsusən də ABŞ-də Milton qasırğası və Yaponiyada tayfun haqqında məlumat axtarışa veriblər. Axtarış sorğusunda Parisdə keçirilən Yay Olimpiya Oyunları da insanları maraqlandırıb.
