Rəqəmsal İnkişaf və Nəqliyyat Nazirliyinin Kollegiyası hava nəqliyyatı ilə ölkədaxili yük və sərnişindaşıma xidmətlərinin tariflərinin tənzimlənməsi barədə qərar verib.
Demokrat.az xəbər verir ki, ölkədaxili sərnişin hava gəmilərində yükün, poçtun və normadan artıq baqajın daşınması üçün tarif ƏDV daxil olmaqla hər kiloqram üçün 0,30 manat məbləğində təsdiq edilib.
Hava nəqliyyatı ilə ölkədaxili sərnişindaşıma xidmətlərinin tariflərinin yuxarı hədləri (əks istiqamət üzrə eyni olmaqla)
Hava nəqliyyatı ilə Bakı-Naxçıvan/Naxçıvan-Bakı sərnişindaşıma xidmətlərinin tarifi tənzimlənib.
Qərara əsasən, Bakı-Naxçıvan/Naxçıvan-Bakı təyyarə biletlərinin qiyməti 70 manat müəyyən edilib.
Qeyd edək ki, hava nəqliyyatı ilə Bakı-Füzuli/Füzuli-Bakı və Bakı-Zəngilan/Zəngilan-Bakı ölkədaxili sərnişindaşıma xidmətlərinin də yeni tarifləri müəyyən edilib.
Qərara əsasən, Bakı-Füzuli/Füzuli-Bakı - 78 manat və Bakı-Zəngilan/Zəngilan-Bakı sərnişindaşıma xidmətinin qiyməti 83 manat müəyyən edilib.
