Xəbər verdiyimiz kimi, Azərbaycan Respublikasının ərazisində xüsusi karantin rejiminin müddəti 2024-cü il 1 oktyabr saat 06:00-dək uzadılıb.
Digər region ölkələrində müşahidə olunan qeyri-stabil vəziyyəti, terror aktlarını, xarici təhdidləri nəzərə alsaq, bu addımı məntiqli hesab etmək olarmı?
Demokrat.az xəbər verir ki, Sabiq xarici işlər naziri Elmar Məmmədyarov mövzu ilə bağlı Bizim.Media-ya danışıb.
O bildirib ki, bu addım təhlükəsizlik baxımından vacib tədbirdir:
“Əvvəlcə COVID-19 virusuna görə sərhədlər bağlanmışdı. Hazırda karantin rejimi davam etdirilir. Bu addımın məntiqi əsasları var. Dağıstanda sinaqoq və kilsəyə hücum, Rusiyada baş verən son terror aktı, dünyada baş verən ixtişaşlar, qaçqın axını və s. kimi risklər sərhədlərin bağlı qalmasının labüdlüyünü göstərir. Bu, karantin rejimindən fərqli bir elementdir. Məncə, müvafiq qurumlar xalqın təhlükəsizliyini düşünürlər”.
