
Mill Məclisin bugünkü növbədənkənar sessiyasının plenar iclasında deputat Naqif Həmzəyev enerji doldurma məntəqələrində elektromobillərdən başqa digər nəqliyyat vasitələrinin parklanması məsələsinə toxunu. O bildirib ki, elektrik mühərrikli nəqliyyat vasitələrinin durması istisna olmaqla digər nəqliyyat vasitələrinin parklanmasına qarşı nəzərdə tutulan cərimə artırımalıdır. Millət vəkili qeyd edib ki, enerji doldurma məntəqələrinin sayı azdır: "Hər hansı şəxs avtomobilini orada saxlayıb gedir. Gün ərzində parklanmaya görə 20 manata yaxın pul ödəyirik. Buna görə düşünürlər ki, bu cərimə bir şey edəsi deyil və nəticədə xeyli sayda elektrikli avtomobil enerji doldura bilmir. Bu baxımdan, cəriməni 40 manat etsək yaxşı olar", - deyə N.Həmzəyev fikrini tamamlayıb.
Deputatın təklifinə nəqliyyat eksperti Eldəniz Cəfərovun münasubətini öyrəndik. O, Demokrat.az-a açıqlamasında dedi ki, parklanma qaydalarının pozulmasına görə cərimə 20 manatdır:

“Parklanma qaydalarını təsnifatlara bölüb ayrı-ayrı cərimələr təyin etməyimiz doğru olmaz. İnzibati Xətalar Məcəlləsinə təklif edilən dəyişikliyə görə enerji doldurulması üçün müəyyən edilmiş parklanma yerlərində enerji doldurmaq məqsədilə elektrik mühərrikli nəqliyyat vasitələrinin durması istisna olmaqla digər nəqliyyat vasitələrinin parklanmasına görə 20 manat məbləğində cərimə tətbiq ediləcək. Həmçinin, velosiped və kiçik elektrik nəqliyyat vasitələrinin onlar üçün ayrılmış parklanma yerlərindən kənarda parklanmasına görə 10 manat cərimə müəyyənləşdirilib”.
Törə Zeynallı
Demokrat.az
Deputatın təklifinə nəqliyyat eksperti Eldəniz Cəfərovun münasubətini öyrəndik. O, Demokrat.az-a açıqlamasında dedi ki, parklanma qaydalarının pozulmasına görə cərimə 20 manatdır:

“Parklanma qaydalarını təsnifatlara bölüb ayrı-ayrı cərimələr təyin etməyimiz doğru olmaz. İnzibati Xətalar Məcəlləsinə təklif edilən dəyişikliyə görə enerji doldurulması üçün müəyyən edilmiş parklanma yerlərində enerji doldurmaq məqsədilə elektrik mühərrikli nəqliyyat vasitələrinin durması istisna olmaqla digər nəqliyyat vasitələrinin parklanmasına görə 20 manat məbləğində cərimə tətbiq ediləcək. Həmçinin, velosiped və kiçik elektrik nəqliyyat vasitələrinin onlar üçün ayrılmış parklanma yerlərindən kənarda parklanmasına görə 10 manat cərimə müəyyənləşdirilib”.
Törə Zeynallı
Demokrat.az