"Son 30 ildə təkcə Bakı şəhərində 2 mindən artıq çoxmənzilli yaşayış binası tikilib istifadəyə verilib. Buna qədər də Sovet dövründə tikilmiş yüzlərlə köhnə yaşayış binası var ki, onlarda da liftdən istifadə olunur. Tikinti şirkətləri, xüsusilə özəl sektorda MTK-lar lift seçimində azaddır".
Bunu Demokrat.az-a açıqlamasında əmlak eksperti Elnur Fərzəliyev deyib. O bildirib ki, MTK-lar istədiyi lift şirkəti ilə müqavilə bağlayıb onun liftlərini binaya quraşdıra bilir.
"Ümumən lift olan bütün binalarda, xüsusən də yeni tikililərdə lift şirkətləri ilə müqavilə bağlanılmalı, 3 aydan bir liftlər həmin şirkətlərin mütəxəssisləri tərəfindən yoxlanılmalıdır. Liftlərin sıradan çıxmasının bir səbəbi də odur ki, binalar tikiləndən sonra bina sakinləri insanlar üçün nəzərdə tutulan liftlərlə ağır yüklər qaldırırlar və ya yük liftlərində normadan artıq yük qaldırırlar. Bu da liftlərin vaxtından əvvəl sıradan çıxmasına səbəb olur.
Düşünürəm ki, lift qəzalarının mütəmadi hal alması böyük təhlükədir. Bu təhlükənin daha da böyüməməsi üçün bütün çoxmərtəbəli binalarda aidiyyəti qurumlar tərəfindən liftlər yoxlanılmalıdır, qüsurlar vaxtında aradan qaldırılmalıdır. Yoxlama işləri məcburi hal almalıdır ki, MTK-lar liftlərdə yeniləmə işlərini vaxtı-vaxtında görsün, nasazlıqlar vaxtında aradan qaldırılsın".
Qeyd edək ki, Bakıda çoxmərtəbəli yaşayış binalarının birində liftin trosu qırılıb, xəsarət alanlar var.
Tibbi Ərazi Bölmələrini İdarəetmə Birliyindən (TƏBİB) "Report"un sorğusuna cavab olaraq bildirilib ki, 23.06.2024-cü il tarixində saat 16:06-da Respublika Təcili və Təxirəsalınmaz Tibbi Yardım Mərkəzinə paytaxtın Nərimanov rayonu, A.Nematulla küçəsi ərazisindən liftin qırılması səbəbilə çağırış daxil olub.
Dərhal hadisə yerinə təcili tibbi yardım briqadası cəlb edilib. 5 nəfər (qadın cinsli) şəxs xəsarət alıb.
Xəsarət alanlar Təcili tibbi yardım briqadası tərəfindən müxtəlif tibb müəssisələrinə hospitalizasiolunublar.
Törə Zeynallı
Demokrat.az
Bunu Demokrat.az-a açıqlamasında əmlak eksperti Elnur Fərzəliyev deyib. O bildirib ki, MTK-lar istədiyi lift şirkəti ilə müqavilə bağlayıb onun liftlərini binaya quraşdıra bilir.
"Ümumən lift olan bütün binalarda, xüsusən də yeni tikililərdə lift şirkətləri ilə müqavilə bağlanılmalı, 3 aydan bir liftlər həmin şirkətlərin mütəxəssisləri tərəfindən yoxlanılmalıdır. Liftlərin sıradan çıxmasının bir səbəbi də odur ki, binalar tikiləndən sonra bina sakinləri insanlar üçün nəzərdə tutulan liftlərlə ağır yüklər qaldırırlar və ya yük liftlərində normadan artıq yük qaldırırlar. Bu da liftlərin vaxtından əvvəl sıradan çıxmasına səbəb olur.
Düşünürəm ki, lift qəzalarının mütəmadi hal alması böyük təhlükədir. Bu təhlükənin daha da böyüməməsi üçün bütün çoxmərtəbəli binalarda aidiyyəti qurumlar tərəfindən liftlər yoxlanılmalıdır, qüsurlar vaxtında aradan qaldırılmalıdır. Yoxlama işləri məcburi hal almalıdır ki, MTK-lar liftlərdə yeniləmə işlərini vaxtı-vaxtında görsün, nasazlıqlar vaxtında aradan qaldırılsın".
Qeyd edək ki, Bakıda çoxmərtəbəli yaşayış binalarının birində liftin trosu qırılıb, xəsarət alanlar var.
Tibbi Ərazi Bölmələrini İdarəetmə Birliyindən (TƏBİB) "Report"un sorğusuna cavab olaraq bildirilib ki, 23.06.2024-cü il tarixində saat 16:06-da Respublika Təcili və Təxirəsalınmaz Tibbi Yardım Mərkəzinə paytaxtın Nərimanov rayonu, A.Nematulla küçəsi ərazisindən liftin qırılması səbəbilə çağırış daxil olub.
Dərhal hadisə yerinə təcili tibbi yardım briqadası cəlb edilib. 5 nəfər (qadın cinsli) şəxs xəsarət alıb.
Xəsarət alanlar Təcili tibbi yardım briqadası tərəfindən müxtəlif tibb müəssisələrinə hospitalizasiolunublar.
Törə Zeynallı
Demokrat.az
