“Çelsi” və “Mançester Siti” İngiltərə Premyer Liqasından kənarlaşdırıla bilər

İDMAN 21 mar 2024, 12:44
“Çelsi” və “Mançester Siti” klubları maliyyə pozuntularına görə İngiltərə Premyer Liqasından kənarlaşdırıla bilər.

"Report" xəbər verir ki, bu barədə “The Sun” nəşri məlumat yayıb.

Premyer Liqanın müstəqil komissiyası artıq adıçəkilən klublara təqsirli bilinəcəkləri təqdirdə çempionatdan kənarlaşdırılacaqları haqda xəbərdarlıq edib.

“Mançester Siti”yə ötən ilin fevralında 115 qayda pozuntusu ilə bağlı ittiham irəli sürülüb. Komandanın vəkilləri onları mübahisələndirirlər.

“Çelsi”yə qarşı hələ ittiham irəli sürülməyib. Amma 2023-cü ilin yayında, Roman Abramoviçin rəhbərliyi dönəmində klubun maliyyə hesabatlarında pozuntular aşkarlanıb.

Bu mövsüm maliyyə pozuntularına görə "Nottinqem Forest" 4, "Everton" isə 6 xaldan məhrum edilib.

Qeyd edək ki, “Mançester Siti” Premyer Liqada 28 oyundan sonra 63 xalla turnir cədvəlinin üçüncü pilləsində qərarlaşıb. "Çelsi" isə 27 matçdan sonra 39 xalla 11-cidir.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top