İşlənmiş batareyaların toplanması məntəqələrinin sayı artırılır

SOSİAL 29 mar 2023, 19:47
İnsan sağlamlığına zərər verən, ətraf mühitə zərərli təsir göstərən  istifadəyə yararsız elektrik batareyalarının çeşidlənməsi və xüsusi şəraitdə zərərsizləşdirilməsi üçün fəaliyyətlər davam etdirilir və vətəndaşlara daha əlçatan olması məqsədilə işlənmiş batareyaların təhvil  məntəqələrinin sayı artırılır.

Demokrat.az
xəbər verir ki, artıq toplama qutuları müxtəlif dövlət qurumlarında, marketlərdə, bir çox şirkətlərdə yerləşdirilib.

Ekologiya və Təbii Sərvətlər Nazirliyinin Ekoloji Maarifləndirmə və Kommunikasiya şöbəsinin müdiri Səyyarə Məmmədova bildirib ki, ETSN və “Qırmızı Ürəklər” Fondu tərəfindən start verilən “Batareyaları təhvil ver, təbiəti qoru” layihəsi çərçivəsində Ədliyyə Nazirliyi tərəfindən 18 kq işlənmiş batareya toplanaraq bu gün “Təhlükəli Tullantılar" MMC-yə göndərilib.

“Hər birimiz şəxsi təşəbbüslərimizlə də tullantıların çeşidlənməsi, təkrar emala göndərilməsi, daha təhlükəlilərin isə zərərsizləşdirilməsi işinə dəstək ola bilərik. Bununla sağlamlığımıza və bizi əhatə edən təbiətimizə töhfə vermiş olarıq.  Hər kəsi tullantıların çeşidlənməsi qaydalarına riayət etməyə, təhlükəli və istifadəyə yararsız batareyaların məişət tullantılarına qarışdırılmasına yol verməməyə, batareyalar üçün ayrılan xüsusi qutulardan istifadə etməyə çağırırıq”.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top