"Yeni il bayramı fövqəladə dayandırmalar olmadan keçəcək”

DÜNYA 27 dek 2022, 22:19
"Ukrayna hər gün Rusiyadan yeni kütləvi atəşə hazırdır, lakin onlar olmadıqda, Yeni il tətili fövqəladə söndürmələr olmadan keçəcək".

Demokrat.az “Ukrinform”a istinadən xəbər verir ki, bu barədə Ukraynanın baş naziri Denis Şmıqal  hökumətin iclasında bildirib.

“Biz başa düşürük ki, Rusiya Ukraynanın enerji sisteminə hücumları davam etdirməyə hazırlaşır. Beləliklə, biz hər gün yeni kütləvi atəşə hazırıq. Bu, hər an baş verə bilər: bu gün, sabah, hətta Yeni il ərəfəsində. Vurğulamaq istəyirəm ki, atəş olmasa, Yeni il bayramı fövqəladə dayandırmalar olmadan keçəcək”, - hökumət başçısı bildirib.

Onun sözlərinə görə, qəza-bərpa işlərindən sonra 2 ədəd istilik elektrik stansiyasını şəbəkəyə qaytarmaq mümkün olub:" İndi infrastruktur bərpa olunur, istehlakını qismən də olsa bərpa etmiş istehlakçıların sayı artır"

“İstehlakçıların enerji təchizatının prioritetləşdirilməsi üçün yaxşı qurulmuş bir alqoritm var. Birinci yerdə mühüm infrastruktur, ikinci yerdə hərbi-sənaye kompleksi, üçüncü yerdə mühüm istehsal, dördüncü yerdə mənzil fondu dayanır”, - Şmıqal əlavə edib.

Xəbər verdiyimiz kimi, oktyabrın 10-dan ruslar Ukraynanın energetika obyektlərinə mindən çox raket və pilotsuz uçuş aparatı atıb. 

Leyla
 

DİGƏR XƏBƏRLƏR

XƏBƏR LENTİ
Top