Anar Eyvazov: "Şəhidlərimizin qanı yerdə qalmadı"

GÜNDƏM 14 sen 2022, 18:19

Sentyabrın 12-si tarixində gecə saatlarında Ermənistan silahlı qüvvələrinin bir qrup kəşfiyyat diversiya qrupu dövlət sərhədinin Kəlbəcər, Laçın və Daşkəsən istiqamətində ərazi relyefi və dərə boşluqlarından istifadə edərək bölmələrimizin arxasına sızaraq ətrafı minalamağa cəhd göstərib.

Demokrat.az xəbər verir ki, bunu Müdafiə Nazirliyinin mətbuat xidmətinin rəis müavini Anar Eyvazov deyib.

Anar Eyvazov qeyd edib ki, bu, ordumuzun bölmələri tərəfindən aşkar edilib: “Bölmələrimiz tərəfindən dərhal zəruri tədbirlər həyata keçirilib və qarşıdurma baş verib. Sentyabrın 13-ü səhərə qədər davam edən döyüşlərdə Silahlı Qüvvələrimizin bir qrup hərbi qulluqçusu ölkəmizin ərazi bütövlüyü uğrunda böyük şücaət göstərərək şəhid olub”.

Anar Eyvazov qeyd edib ki, şəhidlərimizin qanı yerdə qalmayıb: “Adekvat cavab tədbirləri çərçivəsində Ermənistan silahlı qüvvələrinin atəş nöqtələri susdurularaq təxribata cəlb olunmuş Ermənistan silahlı qüvvələrinin canlı qüvvəsi böyük itkilər verərək geri çəkilməyə məcbur edilib”.

Demokrat.az

DİGƏR XƏBƏRLƏR

XƏBƏR LENTİ
Top