Ərdoğan II Elizabetin vəfatı ilə əlaqədar başsağlığı verdi

DÜNYA 09 sen 2022, 00:07
Türkiyə Prezidenti Rəcəb Tayyib Ərdoğan Böyük Britaniya və Şimali İrlandiyanın Kraliçası Ülyahəzrət II Elizabetin vəfatı ilə əlaqədar başsağlığı verib.

Demokrat.az
-ın xəbərinə görə, dövlət başçısı bu barədə tviter hesabında yazıb.

“Kraliça II Elizabetin bu gün vəfat etməsi xəbərini kədər hissi ilə eşitdim. Kral ailəsinə, dost və müttəfiq Böyük Britaniya xalqına və hökumətinə dərin hüznlə başsağlığı verirəm”, - Ərdoğan qeyd edib.

Xatırladaq ki, II Elizabet bu gün 96 yaşında vəfat edib.

II Elizabet 1952-ci il fevralın 9-da taxta oturub. O, 14 müstəqil dövlətin - Avstraliya, Antiqua və Barbuda, Baham adaları, Beliz, Qrenada, Kanada, Yeni Zelandiya, Papua Yeni Qvineya, Sent-Vinsent və Qrenadin, Sent-Kits və Nevis, Sent-Lüsiya, Solomon adaları, Tuvalu, Yamaykanın monarxı olub.

DİGƏR XƏBƏRLƏR

XƏBƏR LENTİ
Top