Abşeronda şəhid övladının doğum günü qeyd olundu — FOTOLAR

SOSİAL 28 iyl 2022, 13:10
Müzəffər Ali Baş Komandan, Prezident İlham Əliyevin rəhbərliyi ilə xalqımızın qələbə qazandığı Vətən Müharibəsində igidliklə döyüşərək şəhidlik zirvəsinə yüksələn, “Azərbaycan Bayrağı” ordeni, “Vətən uğrunda”, “Kəlbəcərin azad olunmasına görə”, “Şuşanın azad olunmasına görə” medallarına layiq görülən şəhid gizir Azad Yolçuyevin qızı Həbibə Yolçuyevanın 2 yaşı tamam olur.

Demokrat.az xəbər verir ki, bu münasibətlə Abşeron Rayon İcra Hakimiyyəti başçısının müavini Gülnar Rəhimova, RİH başçısı aparatının əməkdaşları, Masazır qəsəbə bələdiyyəsinin və qəsəbə icra nümayəndəliyinin üzvləri şəhidimizin əvvəllər yaşadığı evində olub, övladının doğum gününü ailə üzvləri ilə birlikdə qeyd ediblər.

Vətən uğrunda canından keçən şəhidimizə Allahdan rəhmət, ailəsinə səbir diləyib, igid qəhrəmanımızın əziz xatirəsini dərin ehtiramla yad ediblər.

Qeyd olunub ki, son illər ordu quruculuğu istiqamətində görülən işlər silahlı qüvvələrin regionun ən qüdrətli ordusu olması ilə nəticələnib. Bunun nəticəsidir ki, ordumuz düşmən təxribatının qarşısını almaq məqsədilə başladığı və 44 gün davam edən Vətən müharibəsində tarixi ədaləti bərpa edib, işğal altındakı torpaqlarımız azad olunub. Vətən müharibəsində qazandığımız qələbənin əsasında isə xalqımızın həmrəyliyi, Ali Baş Komandanın iradəsi, Azərbaycan Ordusunun məğlubedilməzliyi, hünəri və qətiyyəti dayanır. 

Şəhidin həyat yoldaşı Ləman Yolçuyeva həyatlarının hər bir anında daima dövlət qayğısını gördükləri üçün ölkə Prezidenti İlham Əliyevə, Birinci vitse-prezident Mehriban xanım Əliyevaya minnətdarlığını bildirib. Ömür-gün yoldaşının xatirəsinin əziz tutulmasını, daim yad olunmasını, Azad Yolçuyevin timsalında bütün şəhid ailələrinə olan hörmət və ehtiramın, qayğının bariz nümunəsi kimi qiymətləndirib.





Məlik
Demokrat.az

DİGƏR XƏBƏRLƏR

XƏBƏR LENTİ
Top