Xəstəxanasız qalan Liman şəhəri — VİDEO

SOSİAL 28 may 2022, 18:28
Lənkəranın Liman şəhərində Ailə Sağlamlıq Mərkəzinin yerləşdiyi bina 15 mindən artıq sakinə xidmət edir.

Bu bina keçən əsrin əvvəllərində dənizçilər üçün tikilib. Bir əsr keçəndən sonra bina qəzalı vəziyyətə düşüb. Yerdən ilan və siçanlar çıxır, göydən qurdlar tökülür. Pəncərələrin şüşələri sınıqdır, soyuqda içəri buz bağlayır, istidə isə pəncərələri mismarla bərkidildiyinə görə açmaq olmur.

Əhalinin yardım üçün üz tutduğu səhiyyə ocağının özünün yardıma ehtiyacı var. Acınacaqlı şəraitdə çalışan 40 nəfər işçi xəstələrə öz imkanları daxilində kömək etməyə çalışır.

Belə bir şəraitsiz vəziyyətdə uzun illərdir doğuş şöbəsi fəaliyyət göstərmir. Xəstəxanadan yalnız peyvəndləmə işləri və ilkin yardım üçün istifadə edilir.

Bəs görəsən, sakinlərin haqlı narazılığına səbəb olan məsələ nə zaman həllini tapacaq?

Daha ətraflı Baku TV-nin süjetində: 
 


Demokrat.az

DİGƏR XƏBƏRLƏR

XƏBƏR LENTİ
Top