Dağlıq Qarabağda işğalçı ordunun hərbçisi, 19 yaşlı Frunzik Tamazyan Ağdərədə xəstəxanada ürəyin dayanmasından ölüb.
Demokrat.az xəbər verir ki, bu barədə “Sputnik Ermənistan” məlumat yayıb.
İlkin məlumatlara görə, qoşunların təmas xəttinin şimal-şərq istiqamətində hərbi hissələrdən birində müddətli hərbi xidmətdə olan əsgər çox ağır vəziyyətdə xəstəxanaya çatdırılıb. Həkimlər ona “kəskin ürək çatışmazlığı” diaqnozu qoyublar.
“Həkimlərin səylərinə baxmayaraq, təxminən saat 20:30-da hərbçinin bioloji ölümü qeydə alınıb”, – məlumatda deyilir.
Hadisənin təfərrüatları araşırılır.