Süni intellektli humanoid robot Sofiyanın yaradıcısı olan “Hanson Robotics” şirkəti onun kiçilmiş versiyasını təqdim edib.
Demokrat.Az xəbər verir ki, "Balaca Sofiya" adı verilən bu robotu şirkət Sofiyanın "kiçik bacısı" adlandırır.
Balaca Sofiyanın daxilində insanların üzlərini təsbit edən sensor, danışıq üçün mikrafonlar və dinamik quraşdırılıb və o yeriyə bilir. Onu səslə və ya telefon yaxud planşetdə quraşdırılan tətbiq vasitəsilə idarə etmək olur.
Sofiyanın balaca bacısını məxsusi olaraq uşaqlar üçün yaradıb və özündə quraşdırılan proqram vasitəsilə uşağa proqramlaşdırmanı anlamağa və dərslərini həll etməyə kömək edəcək.
Balaca Sofiyanın satışlarına Kickstarter meydançasında başlanılıb. Onun qiyməti 99 ABŞ dolları təşkil edir.(Finans.az)
