Venesuela prezidenti Nikolas Maduronun “ABŞ prezidenti Donald Tramp məni öldürmək istəyir” fikrinə rəsmi cavab verilib.
Demokrat.Az xarici KİV-ə xəbər verir ki, ABŞ Prezidentinin milli təhlükəsizlik məsələləri üzrə müşaviri Con Bolton Nikolas Maduronu xalqa xəyanətdə və oğurluqda ittiham edib:
“Banklara, neft şirkətlərinə, tacirlərə və digər iqtisadiyyata gəlir gətirən şirkət və müəssələrə tövsiyə edirəm ki, Nikolas Maduro və onun komandası ilə əməkdaşlıq etməsinlər. Maduro mafiyası tərəfindən Venesuela xalqından oğurlanan qızıl, neft və digər məhsulların pulları başqa-başqa adlarla gizlədilir, yatırımlara sərf edilir. Onun üçün bu adamlarla iş birliyi qurmayın! ABŞ Nikolas Maduro hökuməti ilə danışıqlarını davam etdirir və bu istiqamətdə addımlar atır”.
Qeyd edək ki, Maduro Rusiyanın “Ria Novosti” saytına maraqlı açıqlamasında ABŞ dövlət başçısı Donald Trampın onun qətli üçün Kolumbiya hökumətinə əmr verdiyini bildirib. Venesuela lideri başına bir iş gələcəyi təqdirdə həmin ölkələrin məsuliyyət daşıyacaqlarını deyib.
