Azərbaycanda fəaliyyət göstərən "Maxim" taksi sifdarişi şirkəti ölkəmizə qarşı hörmətsizlik edib.
Demokrat.Az xəbər verir ki, şirkətin "taximaxim.az" internet səhifəsində yerləşdirilən xəritədə sifariş vermək istədikdə, monitorda Dağlıq Qarabağ və ətraf rayonlarımızın erməni dilində qeyd olunduğunu görürük.
Sözügedən xəritə isə "Google"-dən götürülərək üzərində heç bir dəyişiklik aparılmayıb.
Yaxşı olardı ki, Azərbaycanın müvafiq qurumları və ayrı-ayrı şirkətlər yaranmış xoşagəlməz hallarla bağlı kütləvi formada "Geoogle" şirkətinə şikayət ünvanlasın. Problem həllini tapmadığı təqdirdə isə digər şirkətlərin hazırladığı elektron xəritələrdən də istifadə etmək mümkündür. Necə ki, hazırda həmin xəritələrdən ayrı-ayrı şirkətlər geniş istifadə edirlər.
Məsələ ilə bağlı "Maxim" şirkətinin telefonlarına zəng etsək də, zəngimizə cavab verən olmayıb.
Demokrat.Az
