Paytaxtın Binəqədi rayonunun Binəqədi qəsəbəsi ərazisində ötən gecədən bəri elektrik enerjisi yoxdur.
Bu barədə Demokrat.Az-a Binəqədi qəsəbəsinin sakinləri məlumat verib.
Sakinlərin sözlərinə görə, Binəqədi qəsəbəsi, "Birinci mədən" adlanan ərazidə ötən gündən bəri elektrik enerjisinin verilişi kəsilib.
Sakinlər "Azərişıq" ASC-nin "qaynar xətt"inə zəng etsə də, ancaq problem hələ də həllini tapmayıb.
Sakinlər deyir ki, "Azərişıq" ASC-nin Biləcəridə yerləşən İdarəsi və "199" saylı "qaynar xətt"in əməkdaşları onlara elektrik enerjisinin nə zaman bərpa olunacağı barədə dəqiq məlumat vermirlər.
"Yalnız bizə onu bildirdilər ki, elektrik enerjisinin kəsilişi yağan yağışlarla əlaqəlidir. Hətta, "199" saylı "qaynar xətt"in əməkdaşları bizimlə telefon danışığı zamanı suallarımıza çox kobud şəkildə cavab verərək telefonu kəsdilər. Bilmirik ki, kimə şikayət edək", - deyə qəsəbə sakinləri bildirir.
Demokrat.Az
