Reynaldo “Qarabağ”a qayıdır

İDMAN 10 dek 2018, 13:18

“Qarabağ” hücum xəttindəki problemini həll etmək üçün sabiq futbolçusu Reynaldo dos Santos Silvanı heyətinə qatmaq qərarına gəlib.

 

Oxu.Az-ın əldə etdiyi məlumata görə, braziliyalı futbolçu artıq bunun üçün Bakıya gəlir.

 

Reynaldo hazırda bu ilin fevralın müqavilə bağladığı Qazaxıstanın “Aktobe” klubunda çıxış edir. Onun bağladığı bir illik müqavilə artıq başa çatmaq üzrədir.

 

Qeyd edək ki, 29 yaşlı Reynaldo 2013-2016-cı illərdə “Qarabağ”da çıxış edib. O, Ağdam təmsilçisi ilə üç dəfə Azərbaycan çempionu və iki dəfə ölkə kubokunun qalibi olub. 2013/14 mövsümündə vurduğu qolların sayına görə Azərbaycan çempionatının bombardiri olub. Reynaldo indiyədək avrokuboklarda ən çox fərqlənən Azərbaycan klubunun oyunçusu sayılır.

 

“Anderlext”in sabiq hücumçusu “Qarabağ”dan 2016/17 mövsümünün qış fasiləsində ayrıldıqdan sonra Türkiyənin “Adanaspor” və Slovakiyanın “Spartak” (Trnava) klublarında çıxış edib.

 

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top