"AAAF PARK yaşayış kompleksində vəziyyət çox gərgindir. Dünən yənə sakinlər yola çıxaraq onu bağlamağa cəhd edib. Səbəb isə şəhərciyə hələ də qaz və istiliyin verilməməsidir. Komleksin rəhbərliyi isə müxtəlif bəhanələrlə sakinlərdən gizlənir".
Demokrat.Az xəbər verir ki, bu fikrləri sabiq millət vəkili Etibar Hüseynov şəxsi Facebook səhifəsində yazıb. Keçmiş deputat daha sonra qeyd edib ki, AAAF PARK-ın prezidenti Tofiq Heydərov qoçu dəstəsi saxlayaraq insanları təhdid edir və qorxudur:
"10 gündən sonra dekabr ayıdır. Amma insanlar qaz və istiliklə hələ də temin olunmayıblar. Səbəb isə AAAF-a, yani 30 mindən çox insanın taleyinə bu işdə heç bir təcrübəsi və savadı olmayan, dəfələrlə dələduzluq əməllərinə görə məsuliyyətə cəlb olunmuş Tofiq Heyderov kimi uğursuz bir idmançının sahib çıxmasıdır. Adam mühafizə adı altında qoçu dəstəsi saxlayır, etiraz edən sakinləri hədələyir. Dünən jurnalist Tamilla Qulaminin statusuna yazdığım kommentə görə mənə də telefon açıb, öldürəcəyi ilə hədələdi. Bu barədə DİN naziri Ramil Usubova məlumat vermişəm. Yəqin ki, bu adam haqda ciddi ölçü götürüləcək".
