“Rusiya keçmiş SSRİ-nin varlığını müxtəlif adlar altında bərpa etməyə çalışır. Məqsəd özünün güc olduğunu nümayiş etdirməkdir”.
Bunu Moderator.az -a açıqlamasında politoloq Sədrəddin Soltan bildirib. Onun sözlərinə görə, Rusiyanın yaxın tarixi buna nümunədir:
“Çar Rusya dağılandan sonra Rusiya öz mövcudluğunu SSRİ adı ilə davam etdirdi. SSRİ dağılandan sonra Rusiya MDB adı altında öz mövcudluğunu davam etdirməyə səy göstərdi. Avrasiya İttifaqı. KTMT və s. kimi ittifaqlar Rusiyanın özünü qoruması üçündür. Çünki beynəlxalq güclər Rusyaya təzyiq edir, ona qarşı sanksiyalar tətbiq edirlər. Qərbin, NATO-nun əsas hədəfi Rusiyadır. Rusiyanın demokratikləşməsi istənilir. Ondan qonşularla, dünya dövlətləri ilə münasibətdə normal davranış sərgiləməsi tələb olunur. Rusiya Krımı ilhaq edəndən və Şərqi Ukraynada hərbi əməliyyatlara dəstək verəndən sonra sabiq ABŞ prezidenti Barak Obama Putinə müraciət edərək bildirdi ki, sən zəif dövlətləri işğal edirsən.
Yəni, Rusiyanın yaratdığı bütün təşkilatlar onun maraq və mənafeyinin müdafiəsinə yönəlib. Rusiyanın yaratdığı bütün qurumlara bu aspektdən baxmaq lazımdır”.
