Gəncə şəhərində əxlaqsızlıq yuvası təşkil etməkdə ittiham olunan Vidadi Məhərrəmovun cinayət işi üzrə ibtidai istintaq başa çatıb.
Demokrat.az-ın əldə etdiyi məlumata görə, cinayət işi baxılması üçün Gəncə şəhəri Kəpəz rayon Məhkəməsinə göndərilib.
İş araşdırılması üçün hakim Zaur Hüseynovun icraatına verilib.
Məhkəmənin hazırlıq iclası aprelin 21-nə təyin olunub.
İttihama görə, Vidadi Məhərrəmov Gəncə şəhərində əxlaqsızlıq yuvası təşkil edib. O, bir neçə qadından ibarət qarup yaradıb və onları ayrı-ayrı kişilərlə görüşməsini təşkil edib.
Bunun müqabilində Vidadi Məhərrəmov maddi gəlir əldə edib.
Polisin keçirdiyi əməliyyat nəticəsində Vidadi Məhərrəmov həbs edilib.
Onun barəsində Cinayət Məcəlləsinin 244.2.1-ci (əxlaqsızlıq yuvaları saxlama, təkrar törədildikdə) maddəsi ilə ittiham elan olunub.
Fariz Məlikli
Demokrat.az
