Dünya nəhəngi "Daimler" də İrandan gedir

Almaniyanın avtomobil nəhəngi olan "Daimler" İranda fəaliyyətini dayandırıb. 


Demokrat.Az-ın məlumatına görə, bundan cəmi bir neçə saat öncə ABŞ prezidenti Donald Trump elan edib ki, İranda fəaliyyət göstərən istənilən şirkətin Birləşmiş Ştatlar bazarına girməsini önləyəcək.


“"Daimler" İranda bəzi planlar qururdu, iki yerli şirkətlə birlikdə Mercedes-Benz yük maşınları yığmağı planlaşdırırdı. Sanksiyalara uyğun olaraq İranda onsuz da məhdud fəaliyyətimizi dayandırmışıq”, – "Daimler"-in sözçüsü deyib.


Qeyd edək ki, şirkətin Trampın hədələrinə qulaq verərək İrandan çıxmaq qərarı Avropa İttifaqı liderlərinə də zərbə sayıla bilər. Belə ki, Aİ İranla biznes əlaqələrini saxlamaq, 2015-ci il nüvə sazişinə əməl etmək vədi vermişdi.

Tramp mayda nüvə sazişindən çıxdığını, Tehrana sanksiyaların bərpa olunacağını bəyan edib.

Ancaq Aİ-nin səylərinə baxmayaraq, "Daimler" də nəhəng Avropa korporasiyalarına qoşularaq İrandan çıxmaq qərarı verib.

8 Avqust 2018, 11:58   
loading...
Ən çox izlənənlər
Xəbərlər
SON XƏBƏRLƏR

Ən son xəbərləri səhifəmizdən də izləyin

ß