Nərimanov rayonunda hündürmərtəbəli binada yanğın baş verib.
Hadisə Gülarə Qədirbəyova 8-10 ünvanındakı 18 mərtəbəli yaşayış binasının 4-cü mərtəbəsində qeydə alınıb.
Əraziyə FHN-in Nərimanov rayonu üzrə Dövlət Yanğından Mühafizə Xidmətinin 4 texnikası və canlı qüvvəsi cəlb edilib. Alov söndürülüb, yanğının digər mənzillərə keçməsinin qarşısı alınıb.
İlkin ehtimala görə, yanğın məişət tullantılarına siqaret kötüyünün düşməsindən baş verib. (Oxu.az)