Bakının Nizami rayonunda 4 avtomobil toqquşub, 1 nəfər xəsarət alıb.
Demokrat.az APA-ya istinadən xəbər verir ki, hadisə Qara Qarayev prospektində baş verib.
"Renault" markalı nəqliyyat vasitəsinin qarşısına qəfil piyada çıxıb. Bu zaman ard-arda iki "Opel" və "Mitsubishi" markalı avtomobillər bir-birinə çırpılıb.
Qəza zamanı "Opel Astra" markalı avtomobildə olan 1996-cı il təvəllüdlü Abbasov Nicat Telman oğlu xəsarət alıb. Yaralı 3 saylı Şəhər Klinik Xəstəxanasına yerləşdirilib.
Faktla bağlı Nizami rayon Polis İdarəsində araşdırma aparılır.
