Vətəninfo.az saytının baş redaktoru Nahid Canbaxışlı nəticəsi ləğv edilən 33 saylı Xətai birinci seçki dairəsindən deputatlığa namizədliyini irəli sürüb.
Demokrat.az xəbər verir ki, bu barədə N.Canbaxışlı özünün feysbuk səhifəsində yazıb.
“Əziz 33 saylı Xətai birinci seçki dairəsi ərazisində yaşayan dostlar, qardaşlar, analar-atalar, dəyərli böyüklər. Qərara gəldim ki, 33 saylı Xətai birinci seçki dairəsindən namizədliyimi irəli sürüm. Sizlərdən böyük dəstək gözləyirəm”- N.Canbaxışlı bildirib.
Xatırladaq ki, Mərkəzi Seçki Komissiyasının bu gün keçirilən iclasında dörd dairə üzrə seçkilərin nəticələri ləğv olunub. Fevralın 9-da keçirilmiş Milli Məclisə növbədənkənar seçkilərdə 33 saylı Xətai birinci seçki dairəsindən lider namizəd Hüseynbala Mirələmov idi.
