Ayaz Qocamanov şəhid ailəsi ilə görüşdü — Şəhidin məzarını ziyarət etdi (FOTOLAR)

GÜNDƏM 27 yan 2020, 14:14

87 saylı Ağsu-İsmayıllı seçki dairəsindən millət vəkilliyinə iddialı namizəd Ayaz Qocamanovun təbligat-təşviqat kampaniyası çərçivəsində seçicilərilə görüşünün yeni mərhələsi başlanıb.


Namizədin seçki qərərgahından Demokrat.az-a verilən məlumata görə, Ayaz Qocamanov və komanda üzvləri  torpaqlarımızın bütovlüyü uğrunda şəhid olan igid vətən övladlarının məzarlarını ziyarət edir, onların ailələri və kənd sakinlərilə çoxsaylı görüşləri davam etdirir. 


Görüşlərdə şəhid ailələrinin və kənd sakinlərinin istək və təklifləri diqqətlə dinlənilir.


Ayaz Qocamanov Ağsunun Gəgəli, Bico, Qəşəd, Ləngəbiz  kəndlərində böyük izdiham və səmimiyyətlə qarşılanıb,  seçicilər namizədin bu addımını yüksək qiymətləndirib, ona böyük dəstək və inam nümayiş etdirdiklərini bildiriblər.


Kənd sakinləri həmçinin parlament seçkilərində ona səs verəcəklərini yüksək əhval-ruhiyyə ilə ifadə edib, dövlətçiliyimiz və xalqımıza xidmət yolunda uğurlar arzulayıblar.


Ayaz Qocamanov və komanda üzvləri Bico kəndində aprel döyüşlərində şəhid olan Fərəczadə Toğrul Habil oğlunun ailə üzvləri ilə də görüşüb, şəhidin məzarını ziyarət ediblər. Şəhidin ev muzeyində olan A.Qocamanov xatirə dəftərinə ürək sözlərini yazıb.


Ayaz Qocamanov şəhidlərin Azərbaycan xalqının milli qürur və şərəf mənbəyi, baş tacı olduğunu, onların daim qəlblərdə yaşadığını, eyni zamanda, Azərbaycan dövləti tərəfindən şəhidlərin xatirəsinin əziz tutulduğunu, şəhid ailələrinin daim diqqətlə və qayğı ilə əhatə olunduğunu bildirib. Şəhid ailəsi də Azərbaycan dövləti tərəfindən onlara göstərilən diqqət və qayğıdan razı qaldıqlarını, 9 fevral seçkilərində ən layiqli namizədə səs verəcəklərini bildiriblər.


İddialı namizəd Ayaz Qocamanovun kəndlərdə görüşləri davam edir.


Qeyd edək ki, 87 saylı Ağsu-İsmayıllı seçki dairəsindən namizədliyi qeydə alınan Ayaz Qocamanov gənc iqtisadçıdır. Azərbaycanın Türkiyə və Rusiya ticarət əlaqələrində kiçik sahibkarlara dəstək verən tanınmış merketinq mütəxəsisidir.

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top