Türkiyənin Fövqəladə Vəziyyətlər və Təbii Fəlakətlər üzrə İdarəsi (AFAD) Elazığ şəhərinin Sivricə rayonunda yanvarın 24-də meydana gələn 6,8 ballıq zəlzələ qurbanlarının sayının artaraq 31 nəfər çatdığını açıqlayıb.
“Anadolu” agentliyinin məlumatına görə, bölgəyə 9 min 545 çadır, ehtiyac duyulan qida və yaşayış üçün lazım olan əşyalar göndərilib.
76 binanın uçduğu, 642 binaya ziyan dəydiyi, 425-ində isə yüngül zədələr olduğu müəyyən edilib.
Dağıntılar altından 45 nəfər xilas edilib. 1556 nəfər isə xəstəxanaya yerləşdirilib.
Zəlzələdən sonra 599 yeraltı təkan qeydə alınıb. (Qafqazinfo)
