Bakı Şəhər İcra Hakimiyyəti (BŞİH) metronun "28 May" stansiyasının yaxınlığından qəzet köşklərinin götürülməsinin səbəbini açıqlayıb.
BŞİH-dən Pravda.az-ın sorğusuna cavab olaraq bildirilib ki, ərazidə yenidənqurma işləri həyata keçiriləcək.
"Prezident İlham Əliyev noyabrın 19-da həmin ərazidə olarkən tapşırıqlarını verdi. Yenidənqurma işləri 2020-ci ilin yanvarından başlayacaq. İşlər başa çatdıqdan sonra köşklər yerinə qaytarılacaq. Bakıda qəzet köşklərinin yığışdırılması ilə bağlı yayılan məlumatlar həqiqəti əks etdirmir" - məlumatda qeyd olunub.