“Hüquq Təhlil və Araşdırmalar” İctimai Birliyi və LAİED.az Elektron Hüquq İnformasiya Daycesti 2019-ci il ərzində baş vermis “İlin əsas hüquq hadisəsi”ni müəyyən etmək məqsədilə sorğu keçirib.
“Hüquq Təhlil və Araşdırmalar” İctimai Birliyinin sədri Ramil İskəndərlinin Demokrat.az-a verdiyi məlumata görə, sorğu dekabrın 13-dək Facebook şəbəkəsi vasitəsilə keçirilib və sorğuda ümumilikdə 150 nəfər respondent iştirak edib.
Sorğunun nəticəsi olaraq respondentlərin 41%-i 2019-cu il ərzində ən yaddaqalan və əsas hadisə olaraq Milli Məclisin buraxılması və növbədənkənar seçkilərin təyin olunmasını qeyd ediblər.
Rəyi soruşulanların marağını kəsb edən digər iki hadisə isə 13 % səslə Azərbaycanda vəkilliyin 100 illiyi ilə bağlı 2019-cu il ərzində təşkil edilmiş silsilə tədbirlər və 13% səslə Prezident Administrasiyasında kadr və struktur islahatları olub.
