ABŞ-da Hərbi Dəniz Qüvvələrinin bazasında yenidən SİLAHLI ATIŞMA

DÜNYA 06 dek 2019, 22:12

ABŞ Hərbi Dəniz Qüvvələrinin Florida ştatında yerləşən “Pensakola” aviabazasında atışma baş verib.


Demokrat.az-ın “Washington Post”-a istinadən verdiyi xəbərə görə, insidentdən sonra 5 nəfər xəstəxanaya yerləşdirilib.


Hadisəni törədən şəxs öldürülüb. Hərbi bazanın girişi və çıxışı bağlanaraq nəzarətə götürülüb. Digər mənbələr insident nəticəsində ölənlərin olduğu barədə də məlumatlar yayır. İnsidentin hansı səbəbdən baş verdiyi hələlik məlum deyil, araşdırma aparılır.


Qeyd edək ki, iki gün əvvəl Hərbi Dəniz Qüvvələrinin Pörl-Harborda yerləşən bazasında da atışma baş vermiş, iki mülki şəxs həlak olmuşdu.(APA)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top