Xəbər verdiyimiz kimi, “Eurovision 2011” qalibləri Nigar Camal və Eldar Qasımov yenidən bir araya gəlib. Onlar AzTV-də aparıcılığa başlayıb. Eldar və Nigar bundan sonra “Telesəhər” proqramında aparıcılıq edəcək.
Nigar Camal verilişlərinin ilk fotolarını sosial şəbəkədə paylaşıb. İzləyicilərindən biri onun niyə məhz AzTV də işə başlamağının səbəbini soruşub:
“Xeyirli olsun sənin üçün! Bu boyda kanallar olan ölkədə niyə AzTV? Amma bir şeyi yaxşıdır ki, ürəyiniz nə istəyirsə, edə və deyə bilərsiniz, onsuz da o kanala baxan yoxdur”.
Nİgar Camal sözügedən şərhə “Ona görə ki, AzTV-də sadəcə səviyyəli insanlar işləyə bilər”, – deyə cavab verib.
