Bu gün saat 16:00-da Rəyasət Heyətində Azərbaycan Milli Elmlər Akademiyasının (AMEA) yeni prezidenti seçiləcək.
Demokrat.az-ın əldə etdiyi məlumata görə, AMEA-nın prezidentliyinə 3 nəfərin namizəd olacağı gözlənilir. Bunlar akdemiklər - Ramiz Mehdiyev, Nərgiz Paşayeva və Rasim Əliquliyevdir.
Akademiyanın prezidenti postuna Ramiz Mehdiyevin seçilmə şansının böyük olduğu bildirilir.
Qeyd edək ki, Ramiz Ənvər oğlu Mehdiyev 1995-ci ildən Azərbaycan Respublikası Prezidentinin Administrasiyasının rəhbəridir.
AMEA-nın həqiqi üzvü, Həqiqi Dövlət müşaviridir.
Akademik Ramiz Mehdiyev 2007-ci ildə Azərbaycan Milli Elmlər Akademiyasının həqiqi üzvü seçilib. Hazırda onun 81 yaşı var.
Zaur Hacılı
Demokrat.az
