Ramiz Mehdiyev və daha kimlər? — Prezident yaşı 70-i ötənləri istefaya ÇAĞIRDI

GÜNDƏM 22 okt 2019, 11:45

“Həyat yerində durmur, qarşıya yeni vəzifələr qoyulur, yeni çağırışlar qarşımızda durur. Yaşınız da artıq 75-i keçibdir və əlbəttə ki, daha gənc nəslə yol vermək lazımdır”.


Demokrat.az xəbər verir ki, bunu prezident İlham Əliyev bu gün baş nazirin müavini vəzifəsindən azad olunan Hacıbala Abutalıbovla görüşdə deyib.


Yaşlı məmurlara mesaj ünvanlayan İlham Əliyev deyib: 


“Ona görə sizin ərizə ilə mənə müraciətinizi yüksək qiymətləndirirəm. Hesab edirəm ki, pensiya yaşına çatmış, hər halda 70 yaşını keçən iqtidarda təmsil olunanlar da yəqin ki, sizin nümunənizi təkrar edəcəklər. Hər halda mən buna ümid edirəm”.

 

Image result for İlham Əliyev Əli Həsənovu


Qeyd edək ki, baş nazirin keçmiş müavini Əli Həsənovla görüşdə də Prezident gənc kadrlara yer verməyin vacib olduğunu qeyd edib: 


“Siz pensiya yaşına çatmısınız, 71 yaşınız var və əlbəttə, gənc kadrlara yer vermək üçün hesab edirəm ki, siz yaxşı nümunə göstərirsiniz. Ümid edirəm ki, iqtidar komandasında təmsil olunan digər yoldaşlara da bu, yaxşı bir örnək olacaqdır”.

 

Image result for İlham Əliyev Hacıbala Abutalıbovu


Qeyd edək ki, Prezident Əliyev hakim komandadakı yaşlı məmurların gənc kadrlarla əvəzlənməsinin zəruriliyini bir qədər əvvəl – oktyabrın 15-də keçirdiyi iqtisadi müşavirədə bəyan etmişdi.  


O, yeni  Baş Nazirə bununla bağlı tapşırıqlar verdiyini bildirmişdi.


“Mən Əli Əsədovu bu vəzifəyə təyin edərkən ona bir çox vəzifələr tapşırdım. Onun qarşısına vəzifə qoydum ki, islahatlar aparılmalıdır, o cümlədən kadr islahatları. Müasir dünyagörüşlü, müasir iqtisadiyyatı bilən, savadlı gənc kadrlar işə cəlb edilməlidir. Biz XXI əsrdə yaşayırıq, köhnə təfəkkürlə, köhnə biliklərlə gələcəyə necə gedə bilərik?”, – Prezident bəyan etmişdi.

 

Image result for İlham Əliyev Ramiz Mehdiyev


Dövlət başçısı oxşar fikirləri bundan əvvəl keçirdiyi müşavirələrdə, görüşlərində də açıqlayıb. Ancaq bu gün Prezidentin iqtidar komandasında təmsil olunan yaşlı məmurlara daha açıq mesaj verdiyini söyləyə bilərik. Dövlət başçısı həm Hacıbala Abutalıbovla, həm də Əli Həsənovla görüşdə daha gənc nəslə yol vermək lazım olduğunu bildirib. Eyni zamanda yaşlı məmurları adıçəkilən şəxslərdən nümunə götürərək, istefa verməyə dəvət edib.  Prezident bu zaman kimləri nəzərdə tutduğunu da gizlətməyib – yaşı 70-i keçənləri!


“70 yaşını keçən iqtidarda təmsil olunanlar da yəqin ki, sizin nümunənizi təkrar edəcəklər. Hər halda mən buna ümid edirəm”, – deyə Prezident bir daha nəzakətlə iqtidardakl yaşlı məmurlara postlarını boşaltmağın vaxtının çatdığını xatırladıb.

 

Image result for YAP-ın qurultayı


Onların kimliyi, başda Prezident Administrasiyasının 82 yaşlı başçısı Ramiz Mehdiyev olmaqla, əlbəttə, məlumdur. Hakim komandanın tərkibində yaşı 70-i keçənləri müəyyənləşdirmək elə də çətin deyil.


Maraqlıdır ki, onlar Prezidentin bu dəvətini qəbul edərək könüllü istefaya gedəcəklər, yoxsa işdan çıxarılmalarını gözləyəcəklər?


Bunu yaxın günlərdə görəcəyik…(Azpolitika.info)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top