“Elmar Məmmədyarov mənasız bəyanatlar verməklə məşğuldur” - Deputat

SİYASƏT 15 okt 2019, 13:28

"Qarabağ İcması çıxışlarında bir qədər sərt olmalıdır, yeri gələndə söyməyi də bilməlidir. Mənasız bəyanatlar vermək lazım deyil. Onsuz Xarici İşlər naziri Elmar Məmmədyarov mənasız bəyanatlar verməklə məşğuldur”.

 

Demokrat.az "Qafqazinfo”ya istinadən xəbər verir ki, bunu deputat Aqil Abbas " Qarabağ Azərbaycandır və nida işarəsi” mövsuzunda keçirilən dinləmədə deyib. 

 

O qeyd edib ki, Qarabağ icmasına fond açmaq lazımdır: "İcma olaraq Azərbaycandan kənara çıxmaq lazımdır. Onsuz da burada oturub ağlayırıq da. İcmanın içində elə kollektiv var ki hərəsi ağıllı cavablar verə biləcək şəxslərdir. Bir də mən xahiş edirəm ki,  bu dırnaqarası söhbətini yığışdıraq. Bunun adını seperatçı təşkilat kimi deyin.  Ermənilər hər yerdə təşkilatını açırlar.  Niyə Qarabağ icmasının nümayəndəliyi  Parisdə olmasın? Gərək hamısını dövlət  eləsin?!  Bir fond açmaq olar ki, ora ianələr verilsin.  O zaman bütün qarabağlılar maaşının yarısını fonda verər”.

 

Demokrat.az 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top