Sabiq nazirdən Əli Əsədovun Baş Nazir təyinatına REAKSİYA

SOSİAL 09 okt 2019, 10:59

“Əli Əsədov çox yaxşı insandır, təvəzökardır, dövlətinə, Cənab Prezidentə sadiqdir”.

 

Demokrat.az xəbər verir ki, bunu Modern.az-a sabiq maliyyə naziri, iqtisad elmləri doktoru, professor, BMT-nin “Sülh səfiri” Əvəz Ələkbərov Əli Əsədovun Baş Nazir təyin olunmasına münasibət bildirərkən deyib.

 

Sabiq nazir qeyd edib ki, Əli Əsədov neçə illər ərzində yaxşı təcrübə toplayıb, ölkədə gedən islahatları dərindən bilir:


“Problemləri həll etmək üçün əzmlidir, həm də iqtisad elmləri namizədidir. Elmi baxışları yüksəkdir. Yorulmazdır, məsləhətlərə qulaq asıb, düzgün qərar verməyə üstünlük verəndir. Dövlət hakimiyyəti orqanları, o cümlədən Nazirlər Kabinetinin Aparatı və nazirliklərlə təması güclüdür. Dünya Bankı, Beynəlxalq Valyuta fondu və digər beynəlxalq və regional təşkilatlarla ölkəmizin əlaqələrini yaxşı bilir. Ümid edirəm Baş nazir kimi yaxşı işləyəcək, bilik və bacarığını əsirgəməyəcək, ölkə Prezidentinin etimadını tam doğruldacaq. Ona işində böyük uğurlar arzu edirəm”.


Qeyd edək ki, Prezident İlham Əliyev dünən Azərbaycan Respublikasının yeni Baş Nazirinin təyin edilməsi haqqında sərəncam imzalayıb.

 

Sərəncama əsasən, Əli Hidayət oğlu Əsədov Azərbaycan Respublikasının Baş Naziri təyin edilib.

 

Digər sərəncamla Novruz İsmayıl oğlu Məmmədov Azərbaycan Respublikasının Baş Naziri vəzifəsindən azad edilib.

 

Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top