"Rusiya və Azərbaycan regionda ən vacib iştirakçılardır" – Ekspertdən AÇIQLAMA

SİYASƏT 07 okt 2019, 09:34

Rusiya və Azərbaycan regionda ən vacib iştirakçılardır.

 

Demokrat.az bildirir ki, bunu Trend-ə rusiyalı ekspert, analitik İvan Pyatibratov "Valday" oktyabrın 3-də Rusiyanın Soçi şəhərində Valday Beynəlxalq Diskussiya Klubunun XVI illik iclası çərçivəsində Azərbaycan və Rusiya prezidentlərinin görüşünü şərh edərkən deyib.

 

O, iki ölkənin uzun illər ərzində dostluq münasibətlərini saxlamasının və regionda strateji tərəfdaş olmasının vacib əhəmiyyətini vurğulayıb.

 

Ekspertin fikrincə, Azərbaycan və Rusiyanın mehriban qonşuluq münasibətlərini dəstəkləməsi Prezident İlham Əliyevin dediyi kimi çox önəmlidir:

 

"Bu il "Valday" Beynəlxalq Diskussiya Klubunda ilk növbədə Şərq və Yaxın Şərq mövzusu əsas yer tutub. Bu isə onu göstərir ki, Rusiyanın siyasəti çoxqütblüdür və hər istiqamətdə iri layihələri var. Eyni zamanda bu, onu göstərir ki, Şərqin problemləri və perspektivləri hazırda daha aktualdır. Biz Suriyada, Dağlıq Qarabağda, Amerika və İran arasında münaqişələri görürük və bütün bunlar öz həllini tələb edir. Vladimir Putin iclas zamanı əsas diqqəti beynəlxalq terrorizmlə mübarizə və Suriyadakı vəziyyətin nizamlanmasında əldə edilən uğurlara ayırdı. İlham Əliyev öz növbəsində Dağlıq Qarabağ problemini qaldırdı və onun həllində BMT Təhlükəsizlik Şurasının siyasi gücsüzlüyünü qeyd etdi. Bu müstəvidə ölkələrimiz yaxınlaşır, çünKi Azərbaycanla Ermənistanın ərazi mübahisəsinin sülh yolu ilə həlli üçün güclü hakim lazımdır".

 

Ekspert Rusiya, Azərbaycan və İranla yanaşı, digər ölkələrin də yer aldığı "Şimal-Cənub" layihəsini qeyd edib. Cənub Qaz Dəhlizi və Çinin "Bir kəmər, bir yol" meqalayihəsi Şərqdə reallaşdırılan iki layihədir və mahiyyət etibarilə müasir geosiyasətin landşaftını dəyişir:

 

"Bütün bu layihələr bu və ya digər şəkildə Azərbaycanla əlaqəlidir və onun Yaxın Şərq münasibətlərində vasitəçi kimi rolunu yüksəldir".

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top