Azərbaycan şahmatçısı Teymur Rəcəbov Rusiyanın Xantı-Mansiysk şəhərindəki Dünya Kubokunda dördüncü final görüşünü keçirib.
32 yaşlı qrossmeyster çinli rəqibi Dinq Lirenlə növbəti oyununu keçirib. Gərgin qarşılaşma 31-ci gedişdə heç-heçə ilə nəticələnib. Ümumi hesabda (2:2) qalib müəyyənləşməyib. Ona görə sabah "tay-breyk" oynanılacaq.
Qeyd edək ki, Rəcəbov Dünya Kubokunun finalına çıxan ilk azərbaycanlı kimi də tarixə düşüb. İndiyədək heç bir şahmatçımız bu mötəbər yarışın finalına qədər irəliləyə bilməyib.(Trend.az)
