Yasamal sakinləri bir neçə gün əvvəl yeni avtobusların xəttə buraxıldığı 39 nömrəli marşrut xəttindən yenidən şikayətçidirlər.
Demokrat.az-a müraciət edən sakinlər, keçən həftə 39 saylı marşrut xəttindəki avtobusların yenilənməsindən sonra xəttə köhnə avtobusların əlavə edildiyini bildiriblər:
"Televiziyada deyildi ki, 39 saylı xəttin avtobusları yenilənib, biz də çox sevindik, amma artıq neçə gündür ki, yenə də köhnə avtobuslarla gedib gəlməyə məcburuq. Avtobuslarda kart aparatları da quraşdırılmayıb, 10-12 yaşlı uşaqlar konduktorluq edir".
Qeyd edək ki, bir neçə ay əvvəl 46 saylı marşrut xəttində də avtobusların yeniləndiyi bildirilsə də, sonradan xəttə köhnə nəqliyyat vasitələrinin də əlavə edildiyi məlum olmuşdu.