Ali Avrasiya İqtisadi Şurasının Yerevanda keçirilən iclasından əvvəl Rusiya prezidenti Vladimir Putinlə “Rustavi 2” telekanalının əməkdaşı arasında gərgin anlar yaşanıb.
Modern.az xarici mediaya istinadən xəbər verir ki, Putin Şuranın keçirildiyi binaya daxil olarkən gürcü jurnalist ona səslənərək “Rusiya nə zaman öhdəliklərini yerinə yetirəcək? Öz qoşunları Abxaziya və Cənubi Osetiyadan nə vaxt çıxaracaq?” deyib.
“Rusiya öz öhdəliklərini yerinə yetirir”,- deyə Putin gülümsəyərək bildirib.
Jurnalist təhlükəsizlik xidmətinin əməkdaşları tərəfindən ərazidən uzaqlaşdırılıb.